قازاقستاندا 14 -تامىز كۇنى وتەتىن ماڭىزدى وقيعالارعا شولۋ
استانا
8.30-دا «استانانىڭ وڭتۇستىك- باتىسىن ارالاۋ» اتتى باسپا ءسوز تۋرى باستالادى. ونىڭ نەگىزگى ماقساتى اۋەجاي اۋدانى، قوسشى جانە يلنيكا كەنتتەرىندەگى قۇرىلىس جۇمىستارى تۋرالى حالىققا اقپارات بەرۋ. جۋرناليستەر قازاۆتوجول ورتالىق اپپاراتىنىڭ عيماراتىندا جينالادى.
10.00-دە «ۇكىمەت ۇيىندە» ۇكىمەتتىڭ كەزەكتى وتىرىسى باستالادى. كۇن تارتىبىندە 2018 -جىلدىڭ 7 ايىنىڭ رەسپۋبليكالىق بيۋدجەتى مەن «بيزنەستىڭ جول كارتاسى-2020» بيزنەستى قولداۋ مەن دامىتۋدىڭ مەملەكەتتىك باعدارلاماسىن ىسكە اسىرۋ قورىتىندىلارى جانە اۋىلدىق ەلدى مەكەندەرگە كەڭ جولاقتى ينتەرنەتكە قولجەتىمدىلىكتى قامتاماسىز ەتۋ، 5G جانە داتا- ورتالىقتاردى دامىتۋ ماسەلەلەرى تالقىلانادى.
10.00-دە وقۋشىلار سارايىندا «رۋحاني جاڭعىرۋ» باعدارلاماسى بويىنشا رەسپۋبليكالىق تامىز كونفەرەنتسياسى باستالادى.
اقمولا وبلىسى
11.00-دە كوكشەتاۋ قالاسىنداعى وڭىرلىك كوممۋنيكاتسيالار قىزمەتىندە اقمولا وبلىسى قۇرىلىس باسقارماسى باسشىسىنىڭ ورىنباسارى ماناپحان قانسەيتوۆ جانە اقمولا وبلىسى قۇرىلىس باسقارماسى باسشىسىنىڭ قارجى ماسەلەلەرى بويىنشا ورىنباسارى ەلەنا يسكاكوۆانىڭ قاتىسۋىمەن «قۇرىلىسقا جاڭا تەحنولوگيالاردى ەنگىزۋ تۋرالى» تاقىرىبىندا بريفينگ وتەدى.
اتىراۋ وبلىسى
10.00-دە «جايىق» ستۋدەنتتىك سپورت كەشەنىندە اتىراۋ وبلىسىنىڭ ءىرى ەت ءوندىرىسى كووپەراتسياسىنىڭ قاتىسۋشىلارى ءۇشىن «Neо Nomad» ىسكەرلىك ويىنى وتكىزىلەدى. شارا بارىسىندا اۋىل شارۋاشىلىعى ءمينيسترىنىڭ ءبىرىنشى ورىنباسارى ەت مال شارۋاشىلىعىن دامىتۋ باعدارلاماسىن تانىستىرادى.
