قىتايدا قازاقستاندىق ستۋدەنت قىز 14-قاباتتان قۇلاپ، مەرت بولدى
قايعىلى جاعدايدى ق ر س ءى م باسپا ءسوز قىزمەتىنىڭ باسشىسى ءانۋار جايناقوۆ راستادى.
«قازىر بۇل دەرەك بويىنشا قىتاي پوليتسياسى تەرگەۋ جۇرگىزىپ جاتىر. پاكىستاننىڭ ەكى ازاماتى ۇستالدى. كەيىنىرەك ولاردىڭ بىرەۋى قولحاتپەن بوساتىلدى. قايعىلى جاعداي تۋرالى شاڭحاي قالاسىنداعى قازاقستان كونسۋلدىعى انىقتاپ ءبىلدى. ولار قىزدىڭ تۋعان- تۋىستارىنا حابار بەردى. كونسۋلدىق قىزمەتكەرلەرى قىزدىڭ اتا- اناسىنا قىتايدان قورعاۋشى تابۋعا قول ۇشىن بەردى»، - دەدى ءانۋار جايناقوۆ.
وقيعا 1 - جەلتوقسان كۇنى شاڭحاي قالاسىنان 100 شاقىرىم جەردە ورنالاسقان سۋجوۋ قالاسىندا بولدى.
1999 -جىلى الماتى وبلىسىندا تۋعان ستۋدەنت قىز سۋجوۋ قالاسىنداعى ۋنيۆەرسيتەتتەردىڭ بىرىندە 2-كۋرستا وقىپ جۇرگەن.
الدىن الا مالىمەت بويىنشا، 1 - جەلتوقسان كۇنى پاكىستان ازاماتى قازاقستاندىق بويجەتكەن مەن ونىڭ قۇربىسىن ءوز تۋعان كۇنىن اتاپ وتۋگە شاقىرعان. پاتەردە ق ر- دىڭ ەكى ازاماتشاسىنان بولەك، تاعى ءبىر پاكىستاندىق بولعان. ەر ادامدار ىشىمدىك ءىشىپ، قىزدارعا قول جۇمساي باستاعان سوڭ، ولاردىڭ ءبىرى پاتەردىڭ ءبىر بولمەسىنە قاشىپ كىرىپ، ەسىكتى ىشتەن جاۋىپ العان.
ءبىرشاما ۋاقىتتان سوڭ بولمەدەن شىققان قىز قۇربىسىنىڭ 14- قاباتتان قۇلاپ كەتكەنىن كورگەن.
ق ر س ءى م باسپا ءسوز قىزمەتى باسشىسىنىڭ ايتۋىنشا، ازىرگە قىزدىڭ ءوزى سەكىرىپ كەتكەنى، بولماسا بىرەۋدىڭ يتەرىپ جىبەرگەنى ناقتىلانعان جوق. دەگەنمەن، سوت- مەديتسينالىق ساراپتامانىڭ ناتيجەسىندە قىزدىڭ بيىكتىكتەن قۇلاۋ سالدارىنان كوز جۇمعانى راستالدى.
ساراپتاما سونداي- اق ونىڭ دەنەسىندە زورلىق- زومبىلىق بەلگىلەرى بولماعانىن كورسەتكەن.
«شاڭحايداعى قازاقستان كونسۋلدىعى مەن ق ح ر- داعى قازاقستان ەلشىلىگى بۇل ماسەلەنى ءوزىنىڭ تىكەلەي باقىلاۋىنا الدى. مارقۇمنىڭ دەنەسى 25 - جەلتوقساندا قازاقستانعا جەتكىزىلدى. وعان ق ر ەلشىلىگى بارىنشا كومەك كورسەتتى»، - دەپ اتاپ ءوتتى ءا. جايناقوۆ.
رەسمي وكىلدىڭ حابارلاۋىنشا، مەرت بولعان قىزدىڭ قۇربىسى سۋجوۋداعى وقۋىن جالعاستىرۋدا.
اۆتور: گۇلميرا عوسمانالي
