ورازانىڭ 14 پايداسى
بۇل تۋرالى «وتىرار» حابارلايدى.
ورازا ليمفوتسيتتەردىڭ جۇمىسىن جەتىلدىرەدى، ادام اعزاسىنىڭ قورعانىش جۇيەسىن نىعايتادى، يممۋنيتەتتەرگە قاتىستى جاسۋشالاردىڭ قۇرامىن جاڭارتىپ، جاقسارتادى.
ورازا ادام دەنەسىن ماي باسۋدان، سەمىرۋدەن ساقتايدى، ونىڭ زارداپتارىن زالالسىزداندىرادى. بۇعان دۇعا، قۇران، ناماز وقىپ قانا قول جەتكىزۋگە بولادى.
ورازا بۇيرەكتى تاس جينالۋدان قورعايدى. سەبەبى ول كالتسيلەنۋ پروتسەسىنە كەدەرگى جاسايدى، قانداعى ناتريي قۇرامىن كوبەيتەدى. مۇنىڭ ءبارى نەسەپ جولىندا تاس جينايتىن تۇزدىڭ بولىنۋىنە توسقاۋىل بولادى.
ورازا ادام اعزاسىن جاسۋشالار مەن تىندەردە تۇزىلەتىن زياندى زاتتارمەن ۋلانۋدان ساقتايدى.
ورازا ۇستاعان ادامنىڭ اس قورىتۋ جۇيەسى، ونىڭ قوسالقى جۇيەسى جاقسى جۇمىس ىستەپ، اس قورىتۋ مەن سىڭىرۋگە بارلىق مۇمكىندىك اشىلادى. بۇل جۇيەلەر دۇرىس جۇمىس ىستەيدى.
ورازا كەزىندە (اۋىز بەكىتكەننەن اۋىز اشقانعا دەيىن) اسىرەسە، جاستاردىڭ جىنىستىق سەزىمدەرىندە سابىرلىلىق ورنايدى. بۇل جاستاردىڭ جۇيكەلىك جانە فيزيكالىق قاجۋىن توقتاتىپ، ولاردى تارتىپتەن اۋىتقىزبايدى.
ورازانىڭ اقىل- ەستەن ايىرىلۋ دەرتىنە دە شيپاسى مول. ماسكەۋدىڭ پسيحياتريا ينستيتۋتى اشىعۋ جانە ديەتانىڭ كومەگىمەن اقىلدان اداسۋشىلىقتى ەمدەۋگە بولاتىنىن انىقتاپ وتىر.
ورازا ايەلدەردىڭ بالا كوتەرۋ قابىلەتىن ارتتىرادى، ەر ادامداردىڭ بەل كۇشى بۇرىنعىدان دا كۇشەيەدى.
ورازادا سۋ ىشۋدەن تارتىنۋ اعزانىڭ قۋاتىن نىعايتادى، وقىپ- ۇيرەنۋ قابىلەتىن جوعارىلاتادى، زەردەنى جاقسارتىپ، ەستە ساقتاۋ قابىلەتىن ارتتىرادى.
ورازادا ادام اعزاسىنداعى تۇزىلىمنەن بۇزىلىم باسىم بولىپ، ول اۋرۋ، ءالسىز جاسۋشالاردى جويادى، قايتادان قالپىنا كەلتىرۋ كەزەڭى باستالىپ، جاسۋشالار جاڭارادى.
ورازادا شىن جۇرەكتەن اللا تاعالاعا سىيىنۋ سابىر مەن قاناعات سەزىمىن سىيلاپ، ول اعزاداعى زات الماسۋ قىزمەتىن نىعايتىپ، ادامنىڭ ءتانى مەن جانىن ساۋىقتىرىپ، قۋانىشقا بولەيدى.
ورازا ادامدى جاۋاپكەرشىلىك پەن ءوزىن- ءوزى تارتىپكە شاقىرۋعا ۇيرەتەدى، سەبەبى ول ورازانى ىشتەي دە، كوپتىڭ كوزىنشە دە ۇستايدى ەمەس پە؟
ورازا ادامدى ەشقانداي پايدا كوزدەمەيتىن رياسىز سەزىمگە، توزىمدىلىككە ۇيرەتەدى. بۇل كەزدە ول اشتىق پەن ءشولدى، باسقا دا قولايسىزدىقتى ەش نارازىلىق بىلدىرمەي كوتەرۋدى ۇيرەنەدى.
ورازا ادامعا قارجىنى قالاي ۇنەمدەپ، اقشا قورىن قالاي بايىپتى تۇردە قالىپتاستىرۋعا بولاتىنىن كورسەتەدى. ەگەر ءار نارسەدە قاناعات بىلدىرەتىن بولسا، ءۇي شارۋاسىن جۇرگىزۋگە دە قارجى از جۇمسالادى.