استانادا ءبىلىم بەرۋ ۇيىمدارىندا 14 مىڭعا جۋىق پەداگوگ جۇمىس ىستەيدى

جىل سايىن ءوزىنىڭ كاسىبي بىلىكتىلىگىن ارتتىراتىن مۇعالىمدەر سانى ارتىپ كەلەدى. بۇگىندە قالالىق مەكتەپتەردە ءبىرىنشى جانە جوعارى ساناتتاعى 6239 پەداگوگ ەڭبەك ەتىپ ءجۇر، بىلتىر بۇل كورسەتكىش 5944 بولعان.
ءبىلىم سالاسىندا قىزمەت ەتەتىن جاس ماماندار سانى جىل وتكەن سايىن ۇلعايىپ كەلەدى. قازىرگى كەزدە بۇل كورسەتكىش 15 پايىز قۇراپ وتىر. مەكتەپكە دەيىنگى ءبىلىم بەرۋ ۇيىمدارىندا 3661 پەداگوگ جۇمىس ىستەيدى.
استانالىق كوللەدجدەردە 1774 ينجەنەرلىك- پەداگوگيكا قىزمەتكەرى بالالارعا ساباق بەرەدى. سونىڭ ىشىندە 913- ءى مەملەكەتتىك، 861- ءى جەكە مەنشىكتى كوللەدجدە ىستەيدى. تەحنيكالىق جانە كاسىپتىك ءبىلىم بەرۋدە كادرلار 100پايىز جاساقتالعان.
كوللەدجدەردە دۋالدى ءبىلىم بەرۋگە باسا نازار اۋدارىلادى. بۇگىندە بۇل ۇردىسكە 21 ماماندىق بويىنشا 18 كوللەدج بەن 44 كاسىپورىن تارتىلعان، مەملەكەتتىك ءبىلىم بەرۋ تاپسىرىسى بويىنشا وقىپ جاتقان 1464 ستۋدەنت قامتىلعان.
ەلوردالىق 9 كوللەدجدە ەكسپەريمەنتالدى وقۋ جوسپارلارى ازىرلەندى، ولاردىڭ وندىرىستىك وقىتۋ ۇلەسى 60 پايىزعا دەيىن، ال تەوريالىق - 40 پايىزعا دەيىن، 2016 -جىلدىڭ قىركۇيەگىنەن باستاپ تاجىريبە 10 وقۋ ورنىندا قولعا الىنباق. ۇستىمىزدەگى جىلدىڭ قاراشا ايىندا گۋمانيتارلىق، مەديتسينالىق كوللەدجدەردە جانە «دانالىق» مەديتسينالىق- فارماتسيەۆتيكالىق كوللەدجدە دۋالدى ءبىلىم بەرۋدى ەنگىزۋ كوزدەلگەن.