ىقىلىق تيگەنىنە 14 اي بولعان
بۇل جايىندا United Press International اقپارات كوزى حابار تاراتتى. وسىدان 14 اي بۇرىن، ياعني، 2012 -جىلدىڭ شىلدە ايىندا ساۋىق كەشىنەن ورالعان وعان ۇيىقتاپ تۇرعان سوڭ ىقىلىق تيگەن.
بۇل تۋرالى اقپارات ەندى بەلگىلى بولىپ وتىر. ءتىپتى، تۇندە دە ىقىلىعى قويمايدى. ايەلىن وياتىپ الماۋ ءۇشىن كورشى بولمەدە جاتىپ ءجۇر. ول ەندوسكوپيادان دا، كومپيۋتەرلىك توموگرافيادان دا وتكەن، تەراپيەۆكە دە قارالعان. دارىگەرلەر وعان تىنىشتاندىراتىن ءدارى جازىپ بەرۋدەن جانە ديەتاسىن اۋىستىرۋعا كەڭەس بەرۋدەن ارى اسا الماعان. دارىگەرلەر ىقىلىقتىڭ نەدەن تيگەنىن انىقتاي الماعان. دەنيەل كلەۆين ىقىلىقتان قۇتىلۋ ءۇشىن كلاسسيكالىق ءادىس- تاسىلدەردى دە قولدانىپ كورگەن: قاتتى قورقۋعا تىرىسقان، شەكەردى قاسىقتاپ جەگەن، سۋدى تۇتىكشەمەن ءىشىپ كورگەن، ت. ب. ءبىراق، بۇلاردىڭ بىردە- بىرەۋى كومەكتەسپەگەن. «ابدەن كۇيزەلدىك. ىقىلىق ونىڭ تۇبىنە جەتپەسە يگى ەدى»، - دەدى ايەلى سيۋزان.
مۇنداي جاعداي ءبىرىنشى رەت ورىن الىپ وتىرعان جوق. 2007 -جىلدىڭ قىس مەزگىلىندە 15 جاستاعى امەريكالىق دجەننيفەر مي ەسىمدى بويجەتكەن 37 كۇن بويى مينۋتىنا 50 رەت ىقىلىق اتىپ، ازاپتانعان ەدى. سول جىلدىڭ مامىر ايىندا دا ىقىلىقتان ازاپ كورگەن بولاتىن.