قۇران وقۋدان وتكەن جارىستا 14 جاستاعى قاري حۋنداي اۆتوكولىگىن جەڭىپ الدى - فوتو
دەپ حابارلادى ق م د ب باسپا ءسوز قىزمەتىنەن.
قۇراننىڭ 30 پاراسىن، ياعني قاسيەتتى كىتابىمىزداعى 114 سۇرەنى تولىق جاتتاعان قاريلار سايىسقا تۇسكەن بولاتىن. ءار وبلىستاعى ىرىكتەۋ سىنىنان وتكەن 32 قاريدىڭ قۇراندى مۇلتىكسىز جاتتاۋى، قۇران وقۋ ەرەجەلەرىن ساقتاۋى، اياتتاردىڭ ءتاپسىرىن مەڭگەرۋى، سۇرەلەردىڭ اۋدارماسىن ءبىلۋى سىندى قابىلەتتەرىن ۇيىمداستىرۋ القاسى، ياعني ءادىلقازىلار جان- جاقتى باعالادى.
وسىمەن التىنشى رەت وتكەن رەسپۋبليكالىق قۇران وقۋدان جارىستا جامبىل وبلىسىنان كەلگەن 14 جاستاعى ەڭ جاس قاري دۋلات قالىعۇلوۆ جۇلدەلى 1 - ورىندى يەلەندى. باس ءمۇفتي ەرجان قاجى مالعاجى ۇلى وعان «Hyundaі» كولىگىنىڭ كىلتىن سالتاناتتى تۇردە تابىستادى.
ءادىلقازىلار القاسىنىڭ شەشىمىمەن شوقان ۋاليەۆ (وڭتۇستىك قازاقستان وبلىسى) قاريعا ەكىنشى ورىن بۇيىردى. Ⅱورىننىڭ جۇلدەسى - «Daewoo Nexia» اۆتوكولىگى. Ⅲ ورىنعا لايىق بولعان حۋسەي ۋاليحادجي قاري (جامبىل وبلىسى) «لادا پريورا» كولىگىن قانجىعاسىنا بايلادى. IV ورىندى يەلەنگەن ناعيم ناعمانوۆ قاريعا (ماڭعىستاۋ وبلىسى) ۇلكەن قاجىلىققا تەگىن جولداما بەرىلدى. V ورىنعا نازار سۇلتانباي قاريعا (استانا قالاسى) كىشى قاجىلىقتىڭ سەرتيفيكاتى تابىستالدى. جارىسقا قاتىسقان بارلىق قاريعا 70000 تەڭگە قارجىلاي سىيلىق بەرىلدى.
يگى شارادا «بايكەن» مەشىتىنىڭ باس يمامى قۇلمۇحاممەد ماحانبەت جۇلدەلى ورىندارعا كولىك سىيلاعان دەمەۋشىلەرگە، قارجىلاي قولداۋ كورسەتكەن ءدىن جاناشىرلارىنا، كاسىپكەرلەرگە، ۇيىمداستىرۋ القاسىنىڭ مۇشەلەرىنە ىزگى نيەتىن جەتكىزىپ، باس ءمۇفتيدىڭ العىس حاتىمەن ماراپاتتادى.