مىسىر سوتى مۋرسيدىڭ 149 جاقتاسىن ءولىم جازاسىنا كەسكەن ۇكىمنىڭ كۇشىن جويدى

استانا. قازاقپارات - مىسىردىڭ اپەللياتسيالىق سوتى ەلدىڭ بۇرىنعى پرەزيدەنتى مۇحاممەد مۋرسيدىڭ 2013 -جىلدىڭ جازىندا پوليتسەيلەردى ولتىرۋدە ايىپتالعان 149 جاقتاسىنا ءولىم جازاسىن بەرۋ شەشىمىن جويدى.

سوت شەشىمىنە سايكەس، بۇل ءىس بويىنشا پروتسەسس قايتا باستالۋى ءتيىس، دەپ حابارلايدى bbc.

مىسىردا تىيىم سالىنعان «اعايىندى مۇسىلماندار» قوزعالىسىنىڭ قاتىسۋشىلارى 2013 -جىلدىڭ تامىز ايىندا كايردىڭ ماڭىنداعى پوليتسيا ۋچاسكەسىنە شابۋىل جاساۋدا ايىپتالىپ وتىر. وقيعا سالدارىنان 13 ادام مەرت بولعان.

2014 -جىلدىڭ ماۋسىمىندا مىسىرداعى سوت «اعايىندى مۇسىلماندار» قوزعالىسىنىڭ 183 مۇشەسىن 2013 -جىلعى تارتىپسىزدىك ءىسى بويىنشا ءولىم جازاسىنا كەستى، الايدا كەيىننەن ۇكىمدەردىڭ ءبىرشاما بولىگى كۇشىن جويدى.