جاسى 146 عا كەلگەن قاريا كوز جۇمدى

استانا. قازاقپارات - ورتالىق ياۆاداعى اۋىلدا تۇراتىن كوپ جاساعان قاريا قايتىس بولدى.

ول بۇعان دەيىن جاسىن 146 دا دەپ مالىمدەپ كەلگەن.

بي- بي- سي اگەنتتىگىنىڭ حابارلاۋىنشا، قۇجاتى بويىنشا مبا گحوتو 1870 -جىلى جەلتوقسان ايىندا دۇنيەگە كەلگەن. الايدا يندونەزيادا دۇنيەگە كەلگەندەردى رەسمي تىركەۋگە الۋ تەك 1900 -جىلدان باستالعان. جەرگىلىكتى بيلىكتىڭ مالىمدەۋىنشە، قاريا گحوتونىڭ قۇجاتتارى زاڭدى ەكەن.

دەنساۋلىعى سىر بەرگەن قاريا 12 -ساۋىردە اۋرۋحاناعا جاتقىزىلعان. التى كۇننەن كەيىن ول ۇيىنە شىعارىلعان. «اۋرۋحانادان شىققان سوڭ ول بىرنەشە قاسىق بوتقا جەپ، ءسال عانا سۋ ىشەتىن بولدى»، - دەدى مارقۇمنىڭ نەمەرەسى سۋيانتو.

«وسىنداي جاعداي بىرنەشە كۇنگە جالعاستى. الايدا سودان سوڭ ول سۋ مەن استان باس تارتتى»، - دەيدى نەمەرەسى.

بىلتىر بي- بي- سي ءتىلشىسى گحوتو قاريامەن تىلدەسىپ، ونىڭ ۇزاق جاساۋ سەبەبىن سۇراعاندا، توزىمدىلىكتىڭ ارقاسىندا ۇزاق جاساعانىن ايتىپ بەرگەن. «مەن ۇزاق جاسادىم، ويتكەنى مەنى جاقسى كورەتىن جاندارىم كۇتىپ- باقتى»، - دەدى قاريا.

مبا گحوتو ءومىرىنىڭ سوڭىنا دەيىن تەمەكىنى كوپ شەككەن. ول ءتورت ايەلىنەن، 10 اعا- باۋىرى مەن قارىنداستارىنان جانە بارلىق بالالارىنان ۇزاق ءومىر ءسۇردى.

اۆتور: جانىبەك امانگەلدى