قازاقستان بويىنشا 143 كولىك جولدىڭ اشىلۋىن كۇتىپ تراسسادا تۇر
استانا. قازاقپارات - اۋا رايىنىڭ ناشارلاۋىنا بايلانىستى تاسجولداردىڭ 61 ۋچاسكەسى جابىلدى، ونىڭ ىشىندە 26 رەسپۋبليكالىق تراسسا بار، دەپ حابارلايدى قازاقپارات.
توتەنشە جاعدايلار مينيسترلىگى جابىلعان جولدا جينالعان اۆتوكولىكتەر تۋرالى مالىمەت تاراتتى.
- استانا- شۋچينسك جولىندا - 8 جۇك كولىگى
- اقتوبە وبلىسىنداعى اقتوبە- قارابۇتاق جولىندا - 30 كولىك.
- اباي وبلىسىندا 85 كولىك:
قالباتاۋ اۋىلىنان شىعاتىن جەردە - 46
كوكپەكتى- قالباتاۋ - 39
- پاۆلودار وبلىسىنداعى شىدەرتى- قاراعاندى جولىندا 20 كولىك.
ەلدىمەكەندەردەن شىعاتىن تۇستا بارلىعى 143 تەحنيكا تۇر، جولدار تاياۋ ارادا اشىلادى دەپ كۇتىلىپ وتىر.
وتكەن تاۋلىكتە 37 ادام قۇتقارىلدى، ونىڭ ىشىندە 9 بالا بار.
رەداكتور
جانات قاپالبايەۆا
