سەمەيدە الاياقتار 140 تان استام ادامدى الداپ سوققان
ش ق و پوليتسيا دەپارتامەنتىنىڭ باستىعى ساعات ماديەۆ ونلاين فورماتتا وتكىزىلگەن ەسەپ بەرۋ كەزدەسۋى بارىسىندا وڭىردەگى الاياقتىق فاكتىلەرىنىڭ %20,5 عا كوبەيگەندىگىن ايتتى.
«كارانتين كەزىندە تاۋارلاردى ينتەرنەت ارقىلى ساتۋ جانە ساتىپ الۋ كۇرت ءوستى. وسىنى پايدالانعان الاياقتار جىمىسقى ويلارىن جۇزەگە اسىرۋدا.
وتكەن جىلى زارداپ شەگۋشىلەر سانى 2,5 ەسەگە وسكەن. سونداي- اق ءاربىر ينتەرنەت الاياقتىقتىڭ ەكىنشىسى وبلىستان (492 فاكتى) جانە رەسپۋبليكادان تىس جەرلەردە (246) جاسالعان. قابىلدانعان شارالاردىڭ ناتيجەسىندە 146 ينتەرنەت الاياقتىق اشكەرەلەندى»، - دەدى ول. ش ق و باس پوليتسەيى ايماق تۇرعىندارىن كۇماندى ۇسىنىستارعا ساقتىقپەن قاراۋعا شاقىردى.
«كەيبىر ازاماتتار وڭاي جولمەن تابىس تابۋ ءۇشىن وسىنداي ۇسىنىستارعا كەلىسىپ، سوڭىندا الاياقتاردىڭ قۇربانىنا اينالىپ جاتادى. مىسالى، سەمەي قالاسىندا پوليتسيا قىزمەتكەرلەرى ءۇش ادامنان تۇراتىن قىلمىستىق توپتى اشكەرەلەدى. ولار اقشانى جوعارى پايىزبەن قايتارۋعا بولاتىندىعىن ايتىپ 143 ادامدى الداپ سوققان. وسىنىڭ سالدارىنان جابىرلەنۋشىلەرگە 35,5 ميلليون تەڭگە مولشەرىندە ماتەريالدىق زالال كەلتىرىلدى. قازىرگى ۋاقىتتا اتالعان فاكتى بويىنشا تەرگەۋ امالدارى اياقتالىپ، ءىس سوتقا جىبەرىلدى»، - دەدى ساعات ماديەۆ.