21:41, 31 - قازان 2016 | GMT +5
قىتاي كەدەيلەردى باسقا جەرلەرگە قونىستاندىرۋعا 140 ميلليارد دوللار جۇمسايدى
استانا. قازاقپارات - قىتاي، ەلدىڭ حالقى از اۋداندارىنان كەدەي تۇرعىنداردى باسقا جەرلەرگە قونىسىن اۋدارۋعا 2020-جىلعا دەيىن 946,3 ميلليارد يۋان (140 ميلليارد دوللار) ينۆەستيتسيالايدى.
BBC اگەنتتىگى ق ح ر ۇلتتىق دامۋ مەن رەفورمالار جونىندەگى كوميسسياسىنا سىلتەمە جاساي وتىرىپ حابارلايدى.
قارجىلاندىرۋدى مەملەكەتكە تيەسىلى قىتاي دامۋ بانكى مەن قىتايدىڭ اۋىل شارۋاشىلىعىن دامىتۋ بانكى ىسكە اسىراتىن بولادى.
قاراجاتتى ۇيلەر مەن ينفراقۇرىلىمداردى سالۋعا جۇمساۋ جوسپارلانىپ وتىر. اقشانىڭ جارتىسى بوساتىلعان جەرلەردى اباتتاندىرۋعا باعىتتالادى. جاپپاي قونىس اۋدارۋ - بۇل 2020-جىلعا دەيىن ەلدەگى 10 ميلليون تۇرمىسى تومەن تۇرعىنداردىڭ ءومىر ءسۇرۋ دەڭگەيىن ارتتىرۋعا باعىتتالعان مەملەكەتتىك باعدارلامانىڭ ءبىر بولىگى. بيىلدىڭ وزىندە-اق شالعايداعى اۋدانداردان 2 ميلليون ادام ق ح ر- دىڭ اناعۇرلىم جاقسى ەلدى مەكەندەرىنە كوشىپ كەلگەن.
