استانادا اي سايىن 1400 جاڭا كاسىپورىن اشىلادى
استانا مەملەكەتتىك قىزمەتشىلەردىڭ قالاسىنان كاسىپكەرلەردىڭ قالاسىنا اينالدى. بۇل تۋرالى «استانا اقشامى» گازەتىنە بەرگەن سۇحباتىندا استانانىڭ ەكس-اكىمى اسەت يسەكەشەۆ ايتتى، دەپ حابارلايدى ەلوردا ينفو.
ءار اي سايىن 1400 جاڭا كاسىپورىن اشىلۋدا. ال جىل باسىنان باستاپ استانادا 12 مىڭ جاڭا جۇمىس ورنى قۇرىلدى. بۇل وتكەن جىلمەن سالىستىرعاندا 16,5 پايىزعا كوپ. ونىڭ 10,9 مىڭ ورنى - شاعىن جانە ورتا بيزنەس سالاسىندا.
«قازىردىڭ وزىندە ءبىز ەلوردا ەكونوميكاسىندا ەلەۋلى وزگەرىستەردى كورىپ وتىرمىز. تۋريزم، وڭدەۋ ونەركاسىبى، اكت، كولىك سياقتى سالالار ايتارلىقتاي ءوسىمدى كورسەتىپ وتىر، ال مەملەكەتتىك باسقارۋ سەكتورى بويىنشا ءجوو ۇلەسى تومەندەۋدە. بۇل استانا قالاسىنىڭ مەملەكەتتىك قىزمەتكەرلەر قالاسىنان كاسىپكەرلەر قالاسىنا اينالعانىن تاعى دا دالەلدەيدى.
تاعى ءبىر دەرەك، بۇگىندە قالانىڭ باستى ينۆەستورى كىم دەپ ويلايسىز؟ بۇل - شاعىن كاسىپكەر. قالانىڭ بارلىق ينۆەستيتسيالارىنىڭ شامامەن 70 پايىزى - شاعىن بيزنەستەن، ءتىپتى ورتاشادان دا ەمەس»، - دەدى ول.
