قازاقستاندا 1400 دۋاداق تابيعات اياسىنا جىبەرىلەدى
مۇنىمەن 120 قۇسقا قيمىل- قوزعالىستارىن باقىلاۋ ءۇشىن ارنايى سپۋتنيكتىك قۇرىلعىلاردى بەكىتۋ جوسپارلانۋدا، دەپ حابارلايدى ق ر ا ش م باسپا ءسوز قىزمەتى.
جورعا دۋاداقتارى بەتپاقدالا مەن قىزىلقۇم ايماقتارىنان ۇشىرىلماق. اتالمىش قۇستىڭ كوبىرەك قونىس اۋداراتىن جەرى - قازاقستان اۋماعى.
بۇرىنىراق، 2009-2015 - جىلدار ارالىعىندا ەلىمىزدە 5300-دەن اسا جورعا دۋاداقتارى ۇشىرىلدى. عالىمدار ورناتىلعان سپۋتنيكتىك قۇرىلعىلار ارقىلى جىبەرىلگەن قۇستاردىڭ قيمىل- قوزعالىستارىن باقىلاي الدى. سونداي- اق، ۇشىرىلعان جورعا دۋاداقتارى قازاقستاننىڭ تابيعي ورتاسىنا بەيىمدەلىپ، قىستاۋ كەزەڭىندە وزدەرىنە تۋىستاس جابايى قۇستاردىڭ ءداستۇرلى باعىتتارىمەن ۇشقانىن اتاپ وتكەن ءجون.
جورعا دۋاداقتاردىڭ ءوسىمىن مولايتۋ جانە ساقتاۋ بويىنشا قازاقستان مەن جورعا دۋاداقتارىن قورعاۋ حالىقارالىق قورى اراسىنداعى كەلىسىمشارتقا ساي وڭتۇستىك قازاقستان وبلىسىنىڭ بايدىبەك اۋدانىندا جىلىنا 5000 جورعا دۋاداقتارىن شىعاراتىن ورتالىقتىڭ قۇرىلىسى جالعاسۋدا.
عالىمداردىڭ ايتۋىنشا، قازاقستاننىڭ تابيعاتىنا جورعا دۋاداقتارىن شىعارۋ، ولاردىڭ قيمىل- قوزعالىستارىن باقىلاۋ، تاياۋ جانە ورتا شىعىس ەلدەرىنە قىستاۋعا كوشىپ- قونۋ مەرزىمدەرى مەن نەگىزگى جولدارىن انىقتاۋ ءۇشىن قاجەت.
