الماتىدا كوروناۆيرۋس جۇقتىرعان 13 ادامنىڭ جاعدايى وتە اۋىر
بۇل تۋرالى ونلاين بريفينگ بارىسىندا الماتى قالاسى قوعامدىق دەنساۋلىق باسقارماسىنىڭ باسشىسى ناريمان تابىنبايەۆ ايتتى، دەپ حابارلايدى قازاقپارات ءتىلشىسى.
بۇگىنگى كۇنى الماتىدا كوروناۆيرۋس ينفەكسيانىڭ 297 جاعدايى تىركەلدى. ستاتسيونارلىق ەمدەۋدە 1239 ادام جاتىر. ونىڭ 64 ى - بالا. ەرەسەك 13 ناۋقاستىڭ جاعدايى وتە اۋىر، 131 ى اۋىر، 1095 ى ورتاشا اۋىر كۇيدە. ناريمان تابىنبايەۆتىڭ مالىمەتىنشە، وتكەن تاۋلىكتە كوروناۆيرۋستان 143 ادام ساۋىعىپ شىقتى.
«قازىر قالا بويىنشا 7011 ينفەكسيالىق توسەك- ورىن، ونىڭ ىشىندە 250 رەانيماتسيالىق ورىن بار. پاندەميا باستالعان ۋاقىتتا الماتىدا 500 توسەك- ورنى بار 2 ينفەكسيالىق ستاتسيونار جۇمىس ىستەدى. 2020 -جىلدىڭ شىلدە ايىندا الماتىنىڭ 27 مەديتسينالىق ۇيىمى ك ۆ ي- مەن اۋىراتىن ناۋقاستارعا ستاتسيونارلىق كومەك كورسەتتى. سونىمەن قاتار، الماتى قالاسى قوعامدىق دەنساۋلىق باسقارماسىنىڭ شەشىمىمەن 280 توسەك- ورىنعا ارنالعان ي. س. جەكەنوۆ اتىنداعى مودۋلدىك كلينيكالىق جۇقپالى اۋرۋلار اۋرۋحاناسى، سودان كەيىن 300 توسەك- ورىنعا بالالار قالالىق مودۋلدىك كلينيكالىق جۇقپالى اۋرۋلار اۋرۋحاناسى جانە 500 ورىندى رۆ-90 ينفەكسيالىق اۋرۋحاناسىنىڭ ەكىنشى فيليالى پايدالانۋعا بەرىلدى»، - دەيدى الماتىنىڭ باس دارىگەرى.
سونىمەن قاتار، ول ك ۆ ي جانە پنيەۆمونيامەن اۋىرعان پاتسيەنتتەردى ەمدەيتىن ۇيىمدار مەديتسينالىق وتتەگىمەن %100 قامتاماسىز ەتىلگەنىن جەتكىزدى.
«6 ستاتسيوناردا وتتەگى گازداندىرۋ ستانتسيالارى سالىندى، ءبىز تاعى 12 ستانسيانى پايدالانۋعا بەرۋگە دايىنداپ جاتىرمىز. وسىلايشا، ءبىرىنشى دەڭگەيلى ينفەكسيالىق اۋرۋحانالاردىڭ جانساقتاۋ جانە رەانيماتسيا بولىمشەلەرىن وتتەگى جابدىقتارىمەن تولىق قامتاماسىز ەتۋ جۇزەگە اسىرىلدى. كونسەرۆاتسيادا اۋىرلىعى جەڭىل دارەجەدەگى پاتسيەنتتەردى ەمدەۋ ءۇشىن سىيىمدىلىعى 1000 پاتسيەنتكە دەيىن قايتا جابدىقتالعان «حالىق ارەنا» سپورت كەشەنى ورنالاسقان»، - دەپ قوستى ناريمان تابىنبايەۆ.
اۆتور: الما مۇقانوۆا