قازاقپارات كۇنتىزبەسى. 13- قازان

اتاۋلى كۇندەر

دۇنيەجۇزىلىك ترومبوزعا قارسى كۇرەس كۇنى

2014 -جىلى حالىقارالىق ترومبوز جانە گەموستاز پروبلەمالارى قوعامىنىڭ باستاماسىمەن بەكىتىلگەن.

بۇل كۇندى اتاپ ءوتۋدىڭ نەگىزگى ماقساتى - ول تۋرالى، اۋرۋدىڭ سەبەپ- سالدارى، الدىن الۋ، ەمدەۋ جولدارى تۋرالى اقپارات تاراتۋ. نەمىس عالىمى، ترومبوز پاتوفيزيولوگى، رۋدولف ۆيرحوۆ دۇنيەگە كەلگەن كۇن - -13 قازان كۇنى اتالىپ وتەدى.

حالىقارالىق تابيعي اپاتتار قاۋىپتىلىگىن ازايتۋ كۇنى

العاش رەت ب ۇ ۇ باس اسسامبلەياسىنىڭ 1989 -جىلدىڭ 22 - جەلتوقسانىنداعى قارارىنا سايكەس تابيعي اپاتتار قاۋىپتىلىگىن ازايتۋ جونىندەگى حالىقارالىق كۇن رەتىندە مەرەكەلەندى.

ەستە قالار وقيعالار

1929 -جىلى سولتۇستىك قازاقستان راديوحابارى العاش رەت ەفيرگە شىقتى. بۇگىندە وبلىستىق راديو باعدارلاماسىن ءوڭىردىڭ بارلىق اۋداندارى، سونىمەن قاتار كورشى رەسەي وبلىستارىنىڭ شەكاراداعى اۋداندارى قابىلداي الادى.

1950 -جىلى قوستاناي وبلىستىق اتقارۋ كوميتەتىنىڭ شەشىمىمەن قوستاناي وبلىسى امانگەلدى اۋدانى قۇرامىندا ارقالىق جۇمىس كەنتى پايدا بولدى. 1956 -جىلى 27 - قازاندا قازاق ك س ر جوعارعى كەڭەسى پرەزيديۋمىنىڭ جارلىعىمەن رەسمي تۇردە جۇمىس كەنتى ستاتۋسىنا يە بولدى.

1965 -جىلى 30 - ماۋسىمدا ارقالىق قالا دارەجەسىنە يە بولدى. بۇگىنگى اۋماعى - 1558 مىڭ گ ا. 1970 -جىلى تورعاي وبلىسىنىڭ ورتالىعى بولدى.

1995 -جىلى قازاقستاندا ديابەت قاۋىمداستىعى قۇرىلدى. ول 1996 -جىلى 176 ەل بىرىككەن حالىقارالىق ديابەت فەدەراتسياسىنىڭ قۇرامىنا كىردى.

1999 -جىلى ق ر ەنەرگەتيكا، يندۋستريا جانە ساۋدا مينيسترلىگىنىڭ اتوم ەنەرگەتيكاسى كوميتەتى قۇرىلدى. نەگىزگى مىندەتتەرى - اتو ەنەرگياسىن پايدالانۋ سالاسىنداعى مەملەكەتتىك رەتتەۋ، قازاقستان رەسپۋبليكاسىنىڭ اۋماعىندا يادرولىق جانە رادياتسيالىق قاۋىپسىزدىكتى قاداعالاۋ، اتوم ەنەرگياسىن پايدالانۋ نىساندارىنداعى اپاتقا قارسى جوسپارلاۋدى باقىلاۋ، يادرو ماتەريالدارى مەن قوندىرعىلارىن فيزيكالىق قورعاۋدى قاداعالاۋ.

2010 -جىلى اۋستراليانىڭ كانبەررا قالاسىندا وتكەن مونەتا سارايلارى ديرەكتورلارىنىڭ 26-شى كونفەرەنسياسىندا قازاقستاننىڭ «بارىس» مونەتاسى «ەڭ ادەمى مونەتا» جانە «تەحنولوگيالىق جاعىنان ەڭ ءساتتى ورىندالعان مونەتا» اتالىمدارىن جەڭىپ الدى. مونەتا 925 سىنامالى كۇمىستەن سوعىلعان، ديامەترى - 38,61 م م، ءاربىرى ءبىر ميلليمەتر ديامەترگە يە ەكى بريلليانت ورناتىلعان.

2014 -جىلى نيۋ- يوركتە قازاقستان رەسپۋبليكاسى مەن توگو رەسپۋبليكاسىنىڭ ب ۇ ۇ جانىنداعى تۇراقتى وكىلدەرى قايرات ءابدىراحمانوۆ پەن كودجو مەنان ەكى مەملەكەت اراسىندا ديپلوماتيالىق قاتىناستاردى ورناتۋ جونىندەگى بىرلەسكەن كومميۋنيكەگە قول قويدى. توگو رەسپۋبليكاسى - باتىس افريكاداعى مەملەكەت، باتىسىندا گانامەن، شىعىسىندا بەنينمەن جانە سولتۇستىگىندە بۋركينا- فاسومەن شەكتەسەدى. وڭتۇستىگىندە گۆينەيا شىعاناعى جاعالاۋىنىڭ كىشكەنە بولىگى بار. استاناسى - لومە قالاسى. رەسمي ءتىلى - فرانسۋز ءتىلى. اقشا بىرلىگى - CFA فرانكى. مەملەكەت باسشىسى جانە قارۋلى كۇشتەردىڭ جوعارعى باس قولباسشىسى - 5 جىلعا جالپىعا بىردەي تىكەلەي داۋىس بەرۋ ارقىلى سايلانعان پرەزيدەنت (قايتا سايلاۋ قۇقىعىن شەكتەمەي).

2015 -جىلى تارازدا رەسپۋبليكالىق ماڭىزى بار «كونە تاراز» ارحەولوگيالىق ساياباعى اشىلدى. قازاق حاندىعىنىڭ 550 جىلدىعى سالتاناتتارىنىڭ ەڭ ءىرى نىسانى بولىپ تابىلاتىن كەشەن قۇرىلىسىنىڭ جالپى قۇنى 2,5 ميلليارد تەڭگەنى قۇرايدى. «كونە تاراز» ساياباعى اۋماعىنىڭ 20 گەكتارىندا كىرەبەرىس اركاسى، باقىلاۋ مۇناراسى، دوستىق ءۇيى مەن كونگرەسس- حولدىڭ جانىنداعى ەتنومادەني ورتالىق، ەتنوگرافيالىق مۇراجاي، «تاراز سازدارى» ستەلاسى، سونداي- اق «مىڭبۇلاق» ساياباعى ورنالاسقان.

2018 -جىلى قازاقستاندىق سپورتشى دياس باحراددين جاسوسپىرىمدەر اراسىنداعى 2018 -جىلعى وليمپيادادا كانوەنىڭ دارا جارىسىندا التىن مەدال ەنشىلەدى. تارتىستى باسەكەدە دياس توپ جارىپ، 1:54:66 ناتيجەسىمەن مارەگە ءبىرىنشى جەتتى.

2019 -جىلى الماتىدا حالىقارالىق جەڭىل اتلەتيكا فەدەراتسيالارى قاۋىمداستىعىنىڭ 1- دەڭگەيلى حالىقارالىق كۋرستارى باستالدى. مۇنداي كۋرس تەك قازاقستاندا ەمەس، ورتا ازيادا العاش رەت ۇيىمداستىرىلدى. باعدارلاما ماقساتى - جاتتىقتىرۋشىلارعا، وقىتۋشىلارعا جانە وقىتۋشىلارعا حالىقارالىق جەڭىل اتلەتيكانىڭ قازىرگى زامانعى ءبىلىمى مەن تەندەنتسيالارىن جەتكىزۋ، ءبىلىمدى جەتىلدىرۋ جانە ورتالىق ايماقتار ءۇشىن دە، ەلىمىزدىڭ بارلىق ايماقتارى ءۇشىن اقپارات الۋ.

اۆتور: بالنۇر قوجاگەلدى