كەدەيلىككە جول اشاتىن 13 جامان ادەت. ءوزىڭىزدى تەكسەرىپ كورىڭىز

 استانا. قازاقپارات - ءسىز كەدەيشىلىك ومىرگە قانداي جامان ادەتتىڭ ىڭعاي بەرەتىنىن بىلەسىز بە؟ ءوزىڭىزدى تەكسەرىپ، مۇنداي جامان ادەتتەن ارىلىڭىز.

سول كەزدە بايلىق ءسىزدىڭ ۇيدە تۇراقتايدى. كەدەيلىك اقشانىڭ بولماۋى ەمەس، ول ادامنىڭ بويىندا بولاتىن جامان ادەت داعدىعا دا بايلانىستى.

كوپشىلىك جاعدايدا كەدەيلىك اقشانىڭ بولماۋى ەمەس، ادام بويىنداعى جامان ادەت، داعدىدان تۋىنداپ جاتادى.

ەگەر ادام ءدال وسى قىلىقتارىنان ارىلماسا، بايلىق تا ونىڭ باسىنا قونبايتىنى انىق. ماقالادا تۇلعالىق ءوسىم بويىنشا باعىت سىلتەيتىن مامان

ەۆگەني دەينەكو تالانتتى ادامداردىڭ كەدەيلىكتى تارتاتىن جامان ادەتتەردى قايتالاپ، ناتيجەسىندە كەدەي بولىپ قالاتىندىعى تۋرالى ايتادى. ءوزىڭىزدى تەكسەرىپ كورىڭىز!

پسيحولوگيالىق تاجىريبەدەن 12 جىل كەدەي ادامدارعا ءتان كەلەتىن ادەتتەردى تانىپ بىلۋىمە جاردەمدەستى. كەدەي ادامدار ءدال وسى ادەتتەردى قايتالاي بەرەتىندىگى وتە تاڭ قالارلىق جايت. ەڭ قىزىعى، تالانتتى ادامداردىڭ دا سول قىلىقتاردى قايتالاۋى. ءوزىمنىڭ باقىلاعان دۇنيەممەن بولىسەمىن. تەكسەرىپ كورىڭىز.

1-ادەت: كەدەي ادام ۇنەمى كىنالى ادامدى ىزدەيدى

كەدەي ادام ەشقاشان جاۋاپكەرشىلىكتى وزىنە المايدى. ول ءوزىنىڭ جەڭىلىسىنەن گورى اينالاسىنداعى ادامداردى كىنالاپ شىعادى، ونىڭ قاتارىندا ارىپتەسى، ءتىپتى باستىعى بولۋى مۇمكىن. ونىڭ ويىنشا: «وسىلار بولماسا، الدەقاشان بايىپ شىعا كەلەر ەدىم»، «بىردەڭە جاساۋىما بارلىعى كەدەرگى كەلتىرىپ جاتىر».

2- ادەت: ۋاقىتتى سوزۋ

بالا كەزدەن حالىق دانالىعىن قۇلاعىمىزعا قۇيىپ ءوسىردى، ول «جەتى رەت ولشەپ، ءبىر رەت كەس». ۋاقىت ءوتىپ جاتىر، ال ءسىز بولساڭىز ءالى ولشەپ، كەسىپ- ءپىشىپ ءجۇرسىز. سولاي جۇرگەندە بىرەۋ كەلىپ، سىزگە تيەسىلىنى الىپ كەتەدى. كىمدە-كىم قورىقپاي، كوزدى جۇمىپ، تاۋەكەلگە بارىپ العاشقى قادام جاساسا، سول ءتۇبى جەڭىسكە جەتەدى. كەدەيدىڭ ويلاۋ جۇيەسىمەن ءومىر سۇرەتىن ادام ۇنەمى ۋاقىت سوزعىش كەلەدى، بۇل ەش جاقسىلىق اكەلمەيتىنى انىق.

3- ادەت: ارەكەت ەتۋ

كەدەي ادام تاۋەكەلگە بارمايدى. ولار كوپ بولماسا دا تۇراقتى كىرىستى قالايدى. وسىلايشا، جالاقىدان جالاقىعا دەيىن ءىلىنىپ ءومىر سۇرەدى.

4- ادەت: تەگىن ءبىلىم الۋ

كەدەي ادام ءاردايىم تەگىن سەمينارلار مەن ترەنينگتەرگە جازىلادى، كوبىسىن تىڭداپ ۇلگەرمەسە دە شامادان تىس جازىلىپ قويۋعا تىرىسادى. ناتيجەسىندە ادام وقۋ يلليۋزياسىمەن ءومىر سۇرەدى دە، ءىس جۇزىندە ەشقانداي ناتيجەگە قول جەتكىزە المايدى. تابىستى كاسىپكەر بولۋ ءۇشىن تەك قانا كۋرس وقۋ ازدىق ەتەدى، ماقساتقا جەتۋ ءۇشىن جاقسى قارىم- قاتىناس تا پايدالى. ترەنيڭ باعاسى تەك قانا تابىستىڭ كورسەتكىشى ەمەس، ءسىزدىڭ ۋاجدىلىگىڭىزدىڭ دە باعاسى ەكەنى انىق.

5- ادەت: بىرەۋلەرگە ەڭبەگى ءۇشىن اقى تولەمەۋ

كەدەي ويلايتىن ادام بىرەۋ ارقىلى ءومىر سۇرگەندى ۇناتادى. ماسەلەن مۋزىكا، ترەنينگ نەمەسە كومپيۋتەرلىك باعدارلامالاردى ول توررەنت ارقىلى جۇكتەيدى. ونىڭ ءفالسافاسى بويىنشا بارلىق اقىلى قىزمەتتەردى قايتكەن كۇندە تەگىن پايدالانۋ كەرەك. جالعاندىق جانە وزگەنىڭ زياتكەرلىك الەۋەتىن ۇرلاۋ ادامدى ماڭگىلىك كەدەيلىكتە ءومىر سۇرۋىنە يتەرمەلەيدى.

6- ادەت: وزىنەن اياۋ

ادامدار وزدەرىنىڭ پروبلەمالارىن قورشاعان ورتادان كورىپ جاتاتىندىعى ءجيى كەزدەسەدى. ماسەلەن، ول قولايسىز گەوگرافيالىق جاعدايدا دۇنيەگە كەلۋى، دەنە ءمۇسىنىنىڭ كەمسىزدىگى، كەدەي وتباسىندا دۇنيەگە كەلۋى، بىلىمسىزدىگى، وزىنە جايلى ەلدە ءومىر سۇرمەۋى سىندى سەبەپتەردى العا تارتادى. كەدەي ادامنىڭ ءوزىن مۇسىركەۋدىڭ ونداعان سەبەبى بار، ال ءوزىڭدى مۇسىركەۋمەن باقۋاتتى بولا المايسىڭ.

7- ادەت: ءاردايىم رەنىشىن ءبىلدىرىپ ءجۇرۋ

قاراجاتىڭنىڭ بولماۋى تەرىس كوڭىل كۇيدىڭ سەبەبى ەكەندىگى قۇپيا ەمەس. كەدەيلەرگە قاراعاندا، بايلىققا قۇمار جاندار وزدەرىنىڭ ارمانداعان ماقساتىنداعى باسپالداقتاردى ساتسىزدىكتەر دەپ قابىلدايدى، ول تاعدىرىنا مويىن ۇسىنىپ، سۇرامساقتانۋعا داعدىلانباعان. كەيدە ءوزىڭدى وزگەلەر مۇسىركەگەندىگىن قالاۋ ءۇشىن ىشتەگىڭدى ايتقىڭ دا كەلەدى. الايدا، مۇنان جەڭىلدەيتىن ەشتەڭە دە جوق. بۇعان قوسا، ءاميانىڭداعى اقشانىڭ كولەمى دە وزگەرمەيدى - ول بولعان جوق، بولمايدى دا.

8- ادەت: وزگەلەردىڭ نە ايتاتىنىن ويلاۋ

تابىستى ادام ءوزىنىڭ دارالىعىن باعالاي الادى جانە قورشاعان ورتانىڭ پىكىرىنە تاۋەلدى ەمەس. ادەتتە كەدەي ادام كەرىسىنشە، ءوزىنىڭ ۋاقىتى مەن كۇشىنىڭ تىرناققا تاتىماس بولىگىن وزگە ادامداردىڭ كوز الدىنداعى بەدەلىن كوتەرۋگە جۇمسايدى. بۇعان قوسا، ول بارىنشا تابىستى ءارى مىقتى ادامدارعا ەلىكتەيدى. سالىستىرۋ ونىڭ پايداسىنا تيگەن ەمەس، بۇل وعان تاعى دا ءبىر جىلاپ-سىقتاپ شاعىمدانۋىنا تاماشا مۇمكىندىك بەرەدى.

9- ادەت: اقشانى بوس شاشۋ

كەدەي ادامدا قارجىلىق ستراتەگيا بولمايدى. ونىڭ مكقساتى - اقشا تابۋ جانە جۇمساۋ. ەڭبەكپەن كەلگەن اقشا كاپيتالدىڭ جيناقتالۋىنا مۇمكىندىك بەرەدى. مۇنداي جاعدايداعى ولاردىڭ قاتە ويلاۋى: «ەگەر اقشا جوق بولسا، مەن نە ىستەي الامىن؟». اقشا جوق بولعاننان كەيىن دە ادام بولاشاق تۋرالى ويلامايدى. باقۋاتتى بولاتىندار كوپ اقشا تاباتىندار ەمەس، ءوز تابىسىن ۇتىمدى جۇمساي الاتىندار.

10- ادەت: اسىرە پايدانى ويلاۋ

كەدەي ادامدار جاڭانى ۇيرەنگىسى كەلمەيدى، بولاشاققا جۇمىس جاسامايدى، تەك ءقازىر عانا اقشا تاپقىسى كەلەدى. بۇل تۇتىنۋشى جاعدايىنىڭ جارقىن ۇلگىسى. ادام بىردەن ءبارىن العىسى كەلەدى. ول قىستا كوكتەمگە قالدىرماي ەككەن كارتوبىن تاۋىسىپ جەپ شىعاتىن شارۋامەن تەڭ.

11- ادەت: ۇنامايتىن نارسەمەن اينالىسۋ

كەدەي ادامدا وزىنە ۇنامايتىن جۇمىسقا بارعانى ءۇشىن 10 كىنالى ادام، 100 اقتالۋ جانە 1000 سەبەپ تابىلاتىنى ءسوزسىز. ول باستىعىن جاماندايدى، جۇمانى اسىعا كۇتەدى، دەسە دە، دۇيسەنبى كۇنى ەرىكسىز جۇمىسقا اياق باسادى. وسىلايشا ەشتەڭەنى وزگەرتپەي، جىلدان جىلعا سول ىسىمەن شۇعىلدانا بەرەدى.

12-ادەت: بوسقا ۋاقىت جوعالتۋ

كەدەيلىك كەيىپتەگى ادام «ۋاقىتتى قالاي ولتىرۋگە بولادى؟» دەگەن ساۋالمەن ءومىر سۇرەدى. الايدا بۇل ساۋال «مەن ۋاقىتتى قايتكەن كۇندە ۇتىمدى پايدالانامىن؟» بولۋى ءتيىس. ناتيجەسىندە ءار ادام وزىنە قاجەتتىسىنە قول جەتكىزەدى: كەدەي ادام ءوز ۋاقىتىن جوعالتادى، ال باسقاسى ۋاقىتىن ۇنەمدى پايدالانىپ، باييدى.

13-ادەت: بىرەۋدىڭ ومىرىمەن ءومىر ءسۇرۋ

كەدەيلەرگە قاتە ويلاۋ ءتان: ول بىرەۋدىڭ ءومىرىن وزىنە تەلۋ. كوپتەگەن سەريالدار، كوركەم ادەبيەتتەر جانە جۇلدىز تۇلعالاردىڭ تاريحى ولاردى وسىعان يتەرمەلەيدى. بىرەۋلەردىڭ قىزىقتى وقيعالارىن ىقىلاسپەن كورىپ، ءوز جانكۇيەرلەرىنىڭ تابىسىن ويلاپ، قيال الەمىندە ءومىر سۇرەدى. قورقىنىش پەن تاۋەكەلگە بارۋدان باس تارتادى. ءوز تاعدىرىن جاڭا كىرپىشتەن قالاپ، قۇراستىرعاندى ۇناتپايدى.

بالكىم، بۇل سيپاتتاۋلاردان ءسىز ءوزىڭىزدى كورگەن بولساڭىز، بۇعان بولا قىنجىلماڭىز. وزىڭىزدە نەنى وزگەرتۋ قاجەتتىگىن وسى ءماتىن ارقىلى ءبىلىڭىز. ماقساتىڭىزعا جەتىڭىز! ساتتىلىك!

 

دەرەككوز: http://buratinsburger. ru