ا ق ش ورتالىق بارلاۋ باسقارماسى 13 ميلليون بەتتىك قۇپيا قۇجاتتاردى جاريا ەتتى
مۇراعاتتا سۋىق سوعىس، ۆەتنامدىق جانە كورەيلىك شيەلەنىستەر كەزىندەگى و ب ب- نىڭ قىزمەتى تۋرالى مالىمەتتەر قامتىلعان. سونداي- اق بازادان ۇشاتىن بەيمالىم نىساندار جانە ادامنىڭ تەلەپاتيالىق مۇمكىندىكتەرى تۋرالى زەرتتەۋ ناتيجەلەرىن كورۋگە بولادى، دەپ جازادى بي-بي-سي ورىس قىزمەتى.
ولاردىڭ اراسىندا پرەزيدەنتتەر ريچارد نيكسون مەن دجەرالد فوردتىڭ تۇسىندا ا ق ش- تىڭ مەم حاتشىسى بولعان گەنري كيسسيندجەردىڭ قۇجاتتارى، سونىمەن قاتار، بىرنەشە مىڭداعان بەتتى قۇرايتىن بارلاۋ اقپاراتتارى مەن عىلىمي زەرتتەۋلەر مەن جوبالاردىڭ اناليزدەرى بار.
«جۇلدىز قاقپاسى» اتتى جوبا دا قىزىعۋشىلىق تۋعىزۋدا. جوبا اياسىندا كورىپكەلدەردىڭ مۇمكىندىكتەرىنە زەرتتەۋ جۇمىستارى جۇرگىزىلگەن.
تاجىريبەگە قاتىسقانداردىڭ ءبىرى يزرايلدىك سيقىرشى ۋري گەللەر بولدى. ونىڭ قابىلەتتەرى 1973 -جىلى زەردەلەندى. ول كەزدە گەللەردىڭ اتاعى الەمگە ايگىلى ەدى.
باستاپقىدا ورتالىق بارلاۋ باسقارماسى بارلىق قۇجاتتاردى ونلايندا جاريا ەتۋ ءۇشىن 28 جىل قاجەت بولاتىنىن حابارلاعان بولاتىن. 2015 -جىلى بۇل ۋاقىتتى التى جىلعا قىسقارتتى.
