قازاقستاندىقتاردىڭ 13 -تامىزداعى وليمپيادا سايىستارىنىڭ قورىتىندىلارى

ريو- دە- جانەيرو. قازاقپارات - بۇگىن ريوداعى وليمپيادادا قازاقستاندىقتار سپورتتىڭ ءۇش تۇرىنەن جارىستارعا قاتىستى.
None
None

ءۇش قارعىپ سەكىرۋدە ەكىنشى جولى 14,39 مەترگە سەكىرىپ، ولگا رىپاكوۆا فينالعا ءوتتى. ەكاتەرينا ەكتوۆا (13,51) مەن يرينا ەكتوۆانىڭ (13,33) ناتيجەلەرى جارىستى ودان ءارى جالعاستىرۋعا جەتپەي قالدى.

وليمپيادادا بوكسشى ولجاس ساتتىبايەۆ (52 كەلىگە دەيىن) 1/16 فيالدا پۋەرتوريكاندىق دجيەۆەر سينترون وكاسيونى 2:1 2:1 (28:29, 30:27, 29:28) ەسەبىمەن ۇتىپ، سايىستى ءساتتى باستادى.

جارتىلاي فينالعا 400 مەترگە جۇگىرۋشىلەر ىلىگە المادى. ەلەنا ميحينا 53,8 سەكۋندتا مارەگە جەتىپ، التىنشى بولىپ كەلدى، ال اناستاسيا كۋدينوۆا 56,03 ناتيجەمەن جەتى سپورتشىنىڭ اراسىندا جەتىنشى بولىپ مارەگە جەتتى.

باتۋتشى پيرماماد اليەۆ 105,890 بالل كورسەتكىشىمەن ىرىكتەۋ سايىسىندا 12- بولىپ، فينالعا جەتە المادى.

بوكسشىلار ءتۋرنيرىنىڭ كەشكى سەسسياسىندا جارتىلاي فينالعا ۆەنەسۋەلالىق گابريەل ماەسترەنى 3:0 (29:28, 29:28, 29:28) ەسەبىمەن ۇتقان دانيار ەلەۋسىنوۆ (69 كەلىگە دەيىن) شىقتى. 91 كەلىگە دەيىنگى سالماقتا ۆاسيلي ليەۆيت وزىنە كەمىندە وليمپيادا «كۇمىسىن» سايلادى. كۋبالىق ەريسلاندي ساۆونمەن ايقاستا لەۆيت 3:0 (29:28, 30:27, 29:28) ەسەبىمەن ءوزىنىڭ كۇشتى ەكەنىن كورسەتتى. يۆان دىچكو (91 كەلىدەن استام) 1/8 فينالدا ماگومەدراسۋل مەدجيدوۆتى ەكىنشى راۋندتا جاراقات الۋىنا بايلانىستى ۇرىستى توقتاتۋىنا ماجبۇرلەپ، مەرەيى ۇستەم بولدى. .

اۆتور: كۇنسۇلتان وتارباي

 

سوڭعى جاڭالىقتار