بانكوماتتاردان ەكى ساعاتتىڭ ىشىندە 13 ميلليون دوللار ۇرلاندى
بۇل تۋرالى The Japan Times قا سىلتەمە جاساعان Lenta.ru حابارلادى.
وقيعا 15- مامىردا ورىن العان، الايدا بۇل تۋرالى تەك ەندى عانا بەلگىلى بولىپ وتىر. قولما قول اقشانى زاڭسىز الۋ وقيعالارى توكيو قالاسىندا جانە تاعى 16 پرەفەكتۋرادا تىركەلگەن. تەرگەۋشىلەر قىلمىسقا 100 گە جۋىق قاسكۇنەم قاتىستى ەكەنىن جوبالاپ وتىر. شامامەن 14 مىڭ ترانزاكتسيانىڭ ءارقايسىسىنىڭ بارىسىندا ولار 100 مىڭ يەن (900 دوللاردان كوپ) سومادا اقشا شەشكەن. بۇل رەتتە و ا ر بانكتەرىنىڭ بىرىنەن ۇرلانعان پايدالانۋشىلاردىڭ مالىمەتتەرى جازىلعان جالعان پلاستيك كارتوچكالارى پايدالانىلدى.
قۇقىق قورعاۋ ورگاندارى قىزمەتكەرلەرى ۇرلىققا ءىرى حالىقارالىق قىلمىستىق ۇيىمداسقان توپتىڭ مۇشەلەرى قاتىسى بار دەپ سانايدى.
قازىرگى كەزدە پوليتسيا اقشانى ۇرلاعانداردى انىقتاۋ ءۇشىن بەينەباقىلاۋ تاسپالارىنداعى جازبالاردى تەكسەرىپ جاتىر.
