قازاقستاننىڭ باستامالارى يسلام ىنتىماقتاستىعى ۇيىمى 13- سامميتىنىڭ قورىتىندى كومميۋنيكە جوباسىنا ەنگىزىلدى
سامميتكە قاتىسۋشىلار بيىلعى 13 -ساۋىردە قابىلدانعان قازاقستان پرەزيدەنتى ن. نازاربايەۆ پەن تۇركيا پرەزيدەنتى ر. ەردوعاننىڭ يسلام الەمىندەگى تاتۋلاستىق ۇدەرىسى جونىندەگى بىرلەسكەن دەكلاراتسياسىن قۇپتادى. وسىعان بايلانىستى قاقتىعىستار مەن داۋلاردى رەتتەۋ ماسەلەلەرى بويىنشا ىزگى نيەت پەن ەرىك- جىگەر تانىتۋ جانە سىندارلى قادام جاساۋ ارقىلى مۇسىلمان الەمىندەگى قارىم- قاتىناستىڭ جاڭا پاراديگماسى رەتىندە يسلام الەمىندەگى تاتۋلاستىق ۇدەرىسىن ىسكە اسىرۋدى باستاۋعا شەشىم قابىلداندى. بۇل رەتتە ءبىر- ءبىرىنىڭ ىشكى ىسىنە ارالاسپاۋ قاعيداتىن ساقتاي وتىرىپ، ي ى ۇ- عا مۇشە مەملەكەتتەردىڭ دوستىق قاتىناستارىن جالعاستىرۋ جانە يسلام ۇمبەتىنىڭ بىرلىگىن نىعايتۋ كوزدەلگەن.
باس حاتشى ۇيىمعا مۇشە مەملەكەتتەرمەن كونسۋلتاتسيالار وتكىزىپ، قاجەت بولعان جاعدايدا جۇمىس توبىن قۇرۋ ارقىلى يسلام الەمىندەگى تاتۋلاستىق ۇدەرىسى بويىنشا جالپىعا ورتاق ءىس- قيمىل جوسپارىن يىۇ سىرتقى ىستەر مينيسترلەرى كەڭەسىنىڭ كەلەسى سەسسياسىندا ۇسىنادى.
سونداي-اق سامميت ۇيىمنىڭ مامانداندىرىلعان جاڭا ورگانى رەتىندە استانادا ازىق- تۇلىك قاۋىپسىزدىگى جونىندەگى يسلام ۇيىمىن قۇرۋ باستاماسىن قۇپتايدى جانە اتالعان ۇيىم ي ى ۇ- عا مۇشە مەملەكەتتەردىڭ وسى ماڭىزدى سالاداعى ىنتىماقتاستىعىن نىعايتۋ ىسىندە بەلسەندى ءرول اتقارادى دەپ سەنەدى. وسى باستامانىڭ ستراتەگيالىق ماڭىزىن ەسكەرە وتىرىپ، ءسامميتىڭ قورىتىندى قۇجاتى ي ى ۇ- عا مۇشە مەملەكەتتەردى ازىق- تۇلىك قاۋىپسىزدىگى جونىندەگى يسلام ۇيىمىنىڭ تولىققاندى جۇمىس ىستەۋىن قامتاماسىز ەتۋ ءۇشىن ونىڭ جارعىسىن مۇمكىندىگىنشە تەزىرەك راتيفيكاتسيالاۋعا، سونداي- اق ازىق- تۇلىك قاۋىپسىزدىگى جونىندەگى يسلام ۇيىمى باس اسسامبلەياسىنىڭ 2016 -جىلعى 28 -ساۋىردە استانادا وتەتىن يناۋگۋراتسيالىق سەسسياسىنا جوعارى دەڭگەيدە بەلسەنە قاتىسۋعا شاقىرادى.
سامميت قازاقستان پرەزيدەنتىنىڭ ورنىقتى جانە ينكليۋزيۆتى ەكونوميكالىق وسىمگە، وڭىرلىك ينتەگراتسياعا، ي ى ۇ ەلدەرى اراسىندا جاقىندىق پەن ىنتىماقتاستىق ورناتۋعا باعىتتالعان «يسلام ينفراقۇرىلىمدىق ىقپالداستىعى» باستاماسىن جۇزەگە اسىرۋ تۋرالى نەگىزدەمەلىك ۇسىنىسىن قولدادى. سونداي- اق كومميۋنيكە ارقىلى مۇشە مەملەكەتتەرگە، يسلام دامۋ بانكى توبىنا، ي ى ۇ ورگاندارى مەن ينستيتۋتتارىنا ىنتىماق تانىتىپ، تۇراقتى قولداۋدى قامتاماسىز ەتىپ، جوعارىدا اتالعان باستامالاردى كەلەسى ونجىلدىق ىشىندە جۇزەگە اسىرۋ ءۇشىن رەسۋرستاردى ءىس جۇزىندە يمپلەمەنتاتسيالاۋ مەن جۇمىلدىرۋعا ارنالعان كەشەندى ستراتەگيالىق باعدارلاما/جول كارتاسىن ازىرلەۋگە جونىندە ۇندەۋ تاستالدى.
سامميتتە قازاقستان پرەزيدەنتىنىڭ 2017 -جىلى ي ى ۇ- نىڭ عىلىم مەن تەحنولوگيا جونىندەگى ءسامميتىن «ەكسپو-2017» اياسىندا وتكىزۋ تۋرالى ۇسىنىسى قولداۋ تاپتى، سونداي- اق ي ى ۇ- عا مۇشە بارلىق مەملەكەتتەر ورنىقتى دامۋ جانە ەنەرگيا تيىمدىلىگى سالاسىنداعى ماقساتتارعا جەتۋ ءۇشىن عىلىمي- تەحنيكالىق، ساياسي جانە مادەني ىنتىماقتاستىقتى نىعايتۋ مۇمكىندىكتەرىن ۇسىناتىن، «بولاشاقتىڭ ەنەرگياسى» تاقىرىبىمەن وتەتىن حالىقارالىق مامانداندىرىلعان كورمەنىڭ جۇمىسىنا قاتىسۋعا شاقىرىلدى.
سامميت ب ۇ ۇ قاۋىپسىزدىك كەڭەسىنىڭ جاڭا مۇشەلەرىن ىرىكتەۋ ۇدەرىسىندە ءادىل ءارى تەڭقۇقىلى گەوگرافيالىق وكىلدىك ەتۋ قاعيداتتارىن قاپەرگە الا وتىرىپ، ي ى ۇ- عا مۇشە مەملەكەتتەردى بۇۇ قاۋىپسىزدىك كەڭەسىنىڭ 2017-2018 -جىلدارداعى تۇراقتى ەمەس مۇشەلىگىنە ءبىرىنشى رەت ۇسىنىلعان قازاقستاننىڭ كانديداتۋراسىن قولداۋعا شاقىردى.
سامميت ي ى ۇ- عا مۇشە مەملەكەتتەردىڭ، سونىڭ ىشىندە قازاقستاننىڭ سيرياداعى داعدارىستى رەتتەۋگە جانە وسى ەلدەگى بەيبىتشىلىكتى قالپىنا كەلتىرۋگە قوسقان ۇلتتىق ۇلەسىن جوعارى باعالادى.
قورىتىندى كومميۋنيكە ۇيىمعا مۇشە بارلىق مەملەكەتتى تەرروريزممەن كۇرەس جونىندەگى جالپىعا ورتاق كونۆەنتسيانى جەتىلدىرۋ جانە قابىلداۋ جۇمىستارىن كەلىسە وتىرىپ جالعاستىرۋعا ۇندەيدى، سونداي- اق قازاقستاننىڭ بۇۇ اياسىندا جاھاندىق انتيتەررورلىق كواليتسيا قۇرۋ جونىندەگى ۇسىنىسىن نازارعا الدى.
سامميت 2016 -جىلى 6 -مامىردا نيۋ- يوركتە ب ۇ ۇ اياسىندا «دىندەر بەيبىتشىلىك ءۇشىن» فورۋمىن وتكىزۋدى قۇپتادى.
سامميت قازاقستاندا وشپەندىلىك پەن ەكسترەميزم يدەولوگياسىنا قارسى تولەرانتتىلىق پەن ءوزارا قۇرمەت مادەنيەتىن قالىپتاستىرۋدى كوزدەيتىن الەمدىك جانە ءداستۇرلى دىندەر ليدەرلەرى سەزىنىڭ وتكىزىلۋىنە جوعارى باعا بەردى.
