قازاقستاندا سوڭعى بەس جىلدا 135 فيلم جانە سەگىز سەريال تۇسىرىلگەن
ءبىراق ءىس جۇزىندە 135 فيلم مەن سەگىز سەريال تۇسىرىلگەن، تاعى 12 جۇمىس تاپسىرىلماعان، ال قالعان ۇشەۋى بويىنشا اقپارات جوق، دەپ حابارلايدى قازاقپارات ranking.kz سايتىنا سىلتەمە جاساپ.
2019 -جىلى 17 فيلم ءتۇسىرۋ جوسپارلانعان بولاتىن، ءىس جۇزىندە بارلىعى 11 كينوكارتينا تۇسىرىلگەن. تاعى التاۋى ءالى تاپسىرىلعان جوق. تۇسىرىلگەن فيلمدەردىڭ ىشىندە كوركەم فيلمنىڭ ورتاشا ۇزاقتىعى - 100,5 مينۋت، دەرەكتى فيلم - 50,1 مينۋت، انيماتسيالىق فيلم - 37,7 مينۋت. قىسقا مەتراجدى فيلمدەردىڭ ورتاشا ۇزاقتىعى 28,8 مينۋتتى قۇرادى.
2019 -جىلى فيلمدەردىڭ تەك ەكى ءتۇرى ءتۇسىرىلدى: ۇزاقتىعى 117,4 مينۋت بولاتىن كوركەم فيلمدەر جانە ورتاشا ۇزاقتىعى 52,6 مينۋتتىق دەرەكتى فيلمدەر. بەس جىل ىشىندە تۇسىرىلگەن فيلمدەردىڭ ىشىندە جانرلار بويىنشا 57 دراما، 75 دەرەكتى جانە ءۇش انيماتسيالىق فيلم ءتۇسىرىلدى. سونىڭ ىشىندە 2019 -جىلى ءبىر دراما مەن جەتى دەرەكتى فيلم ءتۇسىرىلدى. ال ءۇش ءفيلمنىڭ جانرلارى تۋرالى ناقتى اقپارات جوق.
ءتىل تۇرعىسىنان العاندا قازاق تىلىندەگىلەرىنە باسىمدىق بەرىلگەن: 71 فيلم قازاق تىلىندە تۇسىرىلسە، 58- ءى - ورىس تىلىندە. سونداي - اق، اعىلشىن تىلىندە ءتورت كينوكارتينا جانە ەكى تىلدە، ورىس جانە قازاق تىلىندە ءبىر فيلم ءتۇسىرىلدى. ءبىر كينولەنتا تۋرالى اقپارات جوق. 2019 -جىلدىڭ قاڭتار- قىركۇيەك ايلارىندا 41,2 ميلليارد تەڭگە سوماسىندا فيلمدەر مەن بەينەفيلمدەر، تەلەباعدارلامالار، سونداي- اق فونوگراممالار مەن مۋزىكالىق جازبالار ءوندىرىسى بويىنشا قىزمەتتەر كورسەتىلگەن.
