قىتايدا زاڭسىز ءدارى ساۋداسىنا بايلانىستى 135 ادام قاماۋعا الىندى
سوت شەشىمىمەن ەلدىڭ 22 پروۆينتسياسىندا 135 ادام قاماۋعا الىندى. قاماۋعا الىنعانداردىڭ ىشىندە ون ازامات - دەنساۋلىق ساقتاۋ سالاسىنىڭ قىزمەتكەرلەرى، تەرگەۋ بويىنشا ولارعا سەلقوستىق تانىتتى دەگەن ايىپتار تاعىلدى.
ولار جاسىرىن ساتۋشىلاردان مەملەكەتتىك مەكەمەلەر ءۇشىن ليسەنزياسى جوق ءدارى- دارمەكتەردى ساتىپ العان. كۇدىكتىلەردىڭ كوبى دارىلەردى زاڭسىز قايتا ساتۋمەن اينالىسقان، دەپ حابارلايدى جەرگىلىكتى پروكۋراتۋرا.
بۇل داۋ قىتايدا بىرنەشە اي بۇرىن شىقتى. تەرگەۋشىلەردىڭ ايتۋىنشا، ولار ۆاكسينالاردى قىمبات باعامەن قايتا ساتۋمەن اينالىسقان ءىرى قىلمىستىق توپتىڭ زاڭسىز جەلىسىن انىقتاعان.
ناۋرىزدا اتالعان ءىس بويىنشا 37 ادام قامالدى. بيزنەستىڭ نەگىزگى ۇيىمداستىرۋشىلارى - اقپان ايىندا شاندۇڭ پروۆينتسياسىندا قاماۋعا الىنعان شەشەسى مەن قىزى بولدى.
ول ەكەۋى 2011 - جىلدان بەرى ليسەنزياسى بار، نەمەسە جوق ءدارى وندىرۋشىلەردەن دارىلەردى ساتىپ الىپ، ولاردى قارا نارىقتا نەمەسە اۋرۋحانالارعا ساتقان. بۇل رەتتە ءدارى- دارمەكتەردى ساقتاۋ تالاپتارى ءجيى بۇزىلعان.
