ەكسپو- عا كەلۋشىلەر 131 ميلليون تەڭگەگە تاماقتانعان
قازاق جەرىندە توعىسقان دۇنيەجۇزىنىڭ وزىق تەحنولوگيالارىن ءوز كوزىمەن كورۋگە اسىققانداردىڭ قاراسى قالىڭ. استاناعا ات باسىن بۇرعان شەتەلدىكتەر دە كوپ. قوناق ۇيلەر مەيمانداردان ارىلار ەمەس. مىڭداعان كەلۋشىنىڭ ارقاسىندا ەلوردانىڭ بيزنەسى كوتەرىلدى. قازىناسى تولدى.
قوناق ءۇي جۇمىسشىلارىنىڭ بوس ۋاقىتى جوق. ەكسپو باستالعالى قاربالاس، كەلۋشىلەر كوپ.
ەلورداداعى قوناق ۇيلەردىڭ ءبىرىنىڭ ديرەكتورى ايگۇل نۇرەيەۆا ەكى جارىم ايدىڭ ىشىندە قانشا پايدا تاپقانىن جاسىرعانىمەن، «1000 عا جۋىق قوناق كۇتتىك» دەپ وتىر. ال مۇنداعى ءنومىردىڭ قۇنى 17 مىڭنان باستالىپ، 30 مىڭعا دەيىن جەتەدى.
«الدىڭعى جىلعا قاراعاندا ءبىزدىڭ قوناق ۇيدەگى قوناقتاردىڭ سانى ەكسپوعا بايلانىستى 4 ەسەگە استى دەپ ايتا الامىن. الدىڭعى جىلى كۇنىنە 5 ءنومىر بولسا، وسى جىلى كۇنىنە 30 نومىرگە دەيىن قوناق كەلەدى. ءبىزدىڭ قوناق ۇيگە گەرمانيادان، ساۋد ارابياسىنان كوپ كەلدى»، - دەيدى ول.
ەكسپو كورمەسى بيزنەسمەندەردىڭ دە نەسىبەسىن ەسەلەدى. كورمەنى تاماشالاۋعا كەلگەندەردىڭ جۇرەك جالعاپ، از-كەم اياق دەمالتقىسى كەلەتىنى بەلگىلى. قالاشىقتاعى اس-اۋقات ساتىلاتىن دۇكەندەر مەن مەيرامحانالار 560 مىڭعا جۋىق ادامعا قىزمەت كورسەتكەن. ەكسپوعا كەلۋشىلەر 131 ميلليون تەڭگەگە تاماقتانعان. ال جالپى تاۋار اينالىمى 900 ميلليون تەڭگەدەن اسادى.
«باستاپقى تاپسىرما بويىنشا كۇنىنە شامامەن 5 مىڭعا جۋىق ادامدى تاماقتاندىرۋىمىز كەرەك ەدى. سەنەسىز بە؟ ءبىز قازىر كۇنىنە 8 مىڭعا جۋىق قوناققا قىزمەت كورسەتەمىز. كەيدە ۇلگەرە الماي جاتامىز. اسىرەسە تۇسكى اس كەزىندە كەلۋشىلەر كوپ. مەنىڭشە، شىلدەدە قوناقتار كوپ بولعان سياقتى. ءبىز تامىزدا كەلۋشىلەر لەگى ازايادى دەپ بولجاعان ەدىك. ولاي بولمادى. قوناقتار ءالى دە كەلىپ جاتىر»، - دەيدى اسپاز ۆيتالي كوسەنچۋك.
ەكسپو الەم حالىقتارى اراسىنداعى دوستىقتى نىعايتا ءتۇستى. مامانداردىڭ ايتۋىنشا، حالىقارالىق كورمە ەلىمىزدەگى ىشكى تۋريزمنىڭ تامىرىنا قان جۇگىرتتى. ماسەلەن، كورمە كەزىندە بۋرابايعا كەلگەن شەتەلدىكتەردىڭ سانى 3 ەسەگە ارتقان.
«مۇنىڭ ءوزى ءبىزدىڭ ءورىسىمىزدىڭ كەڭەيگەندىگى. كوزىمىز اشىلدى. قانشاما مادەنيەتتەردى كوردىك. قانشاما تەحنولوگيالاردى كوردىك. ءبىز جەر بەتىندەگى تىنىشتىقتى، مادەنيەتتەردى جاقىنداستىرۋ ارقىلى حالىقتاردىڭ ءبىر- بىرىنە دەگەن سەنىمىن، ءبىر- بىرىنە دەگەن سۇيىسپەنشىلىگىن نىعايتۋ ارقىلى بەيبىتشىلىككە قول جەتكىزەتىنىمىزدى ەلباسىمىز ايتىپ كەلە جاتىر. وسى جولى دا ءوزىنىڭ سۇحباتىندا ايتتى»، - دەپ اتاپ ءوتتى ق ر ەڭبەك سىڭىرگەن قايراتكەرى جابال ەرعاليەۆ.