فيليپپين تۇرمەسىنە شابۋىل: 130 دان استام قىلمىسكەر قاشىپ كەتتى

استانا. قازاقپارات - سارسەنبى كۇنى بەلگىسىز قارۋلى توپتىڭ فيليپپين وڭتۇستىگىندەگى كوتاباتو پروۆينتسياسىنىڭ تۇرمەسىنە شابۋىلى كەزىندە ەڭ كەمى 132 قىلمىسكەر قاشىپ كەتتى، الدىن الا بولجام بويىنشا، قاشقىنداردىڭ بارلىعى دەرلىك يسلامشىلار. بۇل تۋرالى شينحۋا اگەنتتىگى تۇرمە قىزمەتكەرىنە سىلتەمە جاساپ حابارلايدى.

تۇرمە قىزمەتكەرىنىڭ مالىمدەۋىنشە، شابۋىل جاساعاندار كۇزەتكە قارسى وق اتقان، سالدارىنان پەنيتەنسيارلىق مەكەمەنىڭ ءبىر قىزمەتكەرى جارالانىپ، تاعى بىرەۋى كوز جۇمدى. «شابۋىل الدان الا ءجىتى ويلاستىرىلعان، قاشقىندار جەرگە ءتۇسۋ ءۇشىن جايمانى قولدانعان. ءقازىر قاشقىنداردى ىزدەستىرۋ وپەراتسياسى ءجۇرىپ جاتىر»، - دەدى اگەنتتىككە تۇرمە قىزمەتكەرى. سونىمەن بىرگە، ول اسا قاۋىپتى قىلمىسكەرلەردى ىزدەستىرۋ امالدارى ءجۇرىپ جاتقاندىعىن اتاپ ءوتتى. شابۋىلعا دەيىن تۇرمەدە 1511 ادام جازاسىن وتەگەن.