قازاقستاندا جاسالعان: س ق و- دا «مولسەرۆيس» جىل باسىنان بەرى 1300 توننا قىشقىل ءسۇت ونىمدەرىن شىعاردى - فوتو

پەتروپاۆل. قازاقپارات - س ق و- نىڭ قىزىلجار اۋدانىنداعى «مولسەرۆيس» كاسىپورنىندا جىل باسىنان بەرى ونىمدىلىك 13 پايىزعا ۇلعايدى.

مۇندا جىل باسىنان بەرى 1300 توننا قىشقىل ءسۇت ونىمدەرى شىعارىلدى. بۇل تۋرالى قازاقپارات تىلشىسىنە بەرگەن سۇحباتىندا «مولسەرۆيس» ج ش س ديرەكتورى سەرگەي چەپۋركو پۋرەكو ايتىپ بەردى.

«جىل باسىنان بەرى «مولسەرۆيس» كاسىپورنى تولىق قۋاتىندا جۇمىس ىستەۋدە. بۇگىندە شيكىزات جەتكىلىكتى. كۇنىنە 17 تونناعا دەيىن ءسۇت وڭدەيمىز، قىستا بۇل كورسەتكىش نەبارى 5 توننا بولعان ەدى. ءسۇت، ايران، قاتىق جانە باسقا دا قىشقىل ءسۇت ونىمدەرىن شىعارامىز. بارلىعى 15 كە تارتا ونىمدەرىمىز بار. «مولسەرۆيس» كاسىپورنى بيىلعى جىلى تابىستى جۇمىس ىستەۋدە. اعىمداعى جىلدىڭ ءتورت ايى ىشىندە ونىمدەر ءوندىرىسى 13,2 پايىزعا ۇلعايدى. جالپى كولەمى 300 ميلليون تەڭگەگە 1300 توننا قىشقىل ءسۇت ونىمدەرى شىعارىلدى. رەنتابەلدىلىك جاقساردى. ماۋسىمدا جۇمىس جاساۋ ءۇشىن بارلىق جاعداي تۋعىزىلعان. بۇگىندە ءبىز ءوز ونىمدەرىمىزدى قازاقستاننىڭ 5 قالاسىنا جونەلتەمىز»، - دەدى س. چەپۋركو.

كاسىپورىن قول جەتكەنگە توقتالماق ەمەس.

جىل اياعىندا دەيىن 500 توننا قىشقىل ءسۇت ونىمدەرىن شىعارۋ جوسپارلانىپ وتىر. جاڭارتۋعا قاتىستى ايتار بولساق، سوڭعى 5 جىلدا كاسىپورىن جابدىقتارىن جاڭارتتى. وعان 200 ميلليون تەڭگەدەي قارجى جۇمسالدى. ونىڭ 100 ميلليون تەڭگەسى «ب ج ك-2020» مەملەكەتتىك باعدارلاماسىن جۇزەگە اسىرۋ اۋقىمىندا الىندى. جاڭعىرتۋ جۇمىستارى بۇگىن دە جالعاستىرىلۋدا. بيىلعى جىلى وسى ماقساتقا 20 ميلليون تەڭگە جۇمسالدى.

كاسىپورىنداعى ءونىم ساپاسىنا باقىلاۋ ءوندىرىستىڭ بارلىق كەزەڭدەرىندە قاتاڭ ساقتالادى. اسىرەسە شيكىزاتقا ايرىقشا كوڭىل بولىنۋدە.

«ماۋسىم باستالعالى ءسۇت ونىمدەرىنىڭ اعىنى ارتا تۇسۋدە. ءبىز شيكىزاتتىڭ جارامدىلىعىن ەگجەي-تەگجەيلى تەكسەرەمىز. ساقتاۋ مەرزىمى - 10 تاۋلىك. ءبىز كونسەرۆانت قوسىلماعان ءونىم شىعارامىز»، - دەدى «مولسەرۆيس» ج ش س زەرتحاناسىنىڭ مەڭگەرۋشىسى ەلەنا حۋتورنايا.

«مولسەرۆيس» قىزمەتكەرلەرى وزدەرىن ويداعىداي دامىتا وتىرىپ، ورتاشا ەسەپپەن 100 مىڭ تەڭگە تابىس تابادى. بۇگىندە كاسىپورىندا 120 دان استام ادام ەڭبەك ەتەدى.