اۋا رايىنا بايلانىستى 12 وڭىردە ەسكەرتۋ جاريالاندى
استانا. قازاقپارات - قازگيدرومەت 21-جەلتوقساندا بىرنەشە وڭىردە اۋا رايىنا بايلانىستى ەسكەرتۋ جاريالادى، دەپ حابارلايدى قازاقپارات.
قاراعاندى وبلىسىنىڭ سولتۇستىك جارتىسىندا كوكتايعاق، جاياۋ بۇرقاسىن، جول بويىندا قارلى قاتقاق كۇتىلەدى. وڭتۇستىك- باتىس، باتىس جەلى، تاڭەتەڭ جانە كۇندىز وبلىستىڭ سولتۇتسىك- جارتىسىندا ەكپىنى 17-22، كەي ۋاقىتتا 25 م/س.
ۇلىتاۋ وبلىسىنىڭ سولتۇستىك جارتىسىندا كوكتايعاق، جاياۋ بۇرقاسىن، جول بويىندا قارلى قاتقاق بولادى.
قىزىلوردا وبلىسىنىڭ سولتۇستىگىندە، ورتالىعىندا كوكتايعاق، جاياۋ بۇرقاسىن كۇتىلەدى. جەل باتىستان سوعادى، وبلىستىڭ سولتۇستىگىندە، ورتالىعىندا كۇشى 15-20 م/س جەتەدى.
باتىس قازاقستان وبلىسىنىڭ سولتۇستىك- شىعىسىندا، شىعىسىندا كوكتايعاق كۇتىلەدى. تۇندە جانە تاڭەرتەڭ وبلىستىڭ سولتۇستىگىندە، سولتۇستىك- شىعىسىندا تۇمان تۇسەدى.
اقمولا وبلىسىنىڭ باسىم بولىگىندە قار، كۇندىز وبلىستىڭ شىعىسىندا قاتتى قار كۇتىلەدى. وبلىستىڭ شىعىسىندا بۇرقاسىن كۇتىلەدى. وڭتۇستىك- باتىستان سوعاتىن جەل سولتۇستىك- باتىسقا اۋىسادى، وبلىستىڭ وڭتۇستىك- شىعىسىندا ەكپىنى 15-20 م/س جەتەدى.
اقتوبە وبلىسىنىڭ وڭتۇستىگىندە، ورتالىعىندا جاياۋ بۇرقاسىن كۇتىلەدى. باتىستان، سولتۇستىك- باتىستان جەل سوعادى، وبلىستىڭ وڭتۇستىگىندە، ورتالىعىندا ەكپىنى 15-20 م/س
ماڭعىستاۋ وبلىسىنىڭ سولتۇستىك- شىعىسىندا، وڭتۇستىگىندە، ورتالىعىندا جولداردا كوكتايعاق بولادى
اباي وبلىسىنىڭ باتىسىندا، سولتۇستىگىندە جاياۋ بۇرقاسىن كۇتىلەدى. وڭتۇستىك- شىعىستان سوعاتىن جەل وڭتۇستىك- باتىسقا اۋىسادى، وبلىستىڭ باتىسىندا، سولتۇستىگىندە 15-20, جارما اۋدانىندا ەكپىنى 23 م/س.
تۇركىستان وبلىسىنىڭ تاۋلارىندا قاتتى جاۋىن- شاشىن (جاڭبىر، قار) جاۋادى. وبلىستىڭ وڭتۇستىگىندە تۇمان ساقتالادى. تاڭەرتەڭ جانە كۇندىز وبلىستىڭ سولتۇستىگىندە، باتىسىندا، تاۋلى جانە تاۋ بوكتەرلى اۋداندارىندا كوكتايعاق، بۇرقاسىن سوعادى
قوستاناي وبلىسىنىڭ وڭتۇستىگىندە بۇرقاسىن كۇتىلەدى. باتىستان، وڭتۇستىك- باتىستان جەل سوعادى، وبلىستىڭ وڭتۇستىگىندە، شىعىسىندا 15-20 م/س.
پاۆلودار وبلىسىنىڭ وڭتۇستىگىندە جاياۋ بۇرقاسىن كۇتىلەدى. وڭتۇستىك- باتىستان جەل سوعادى، كۇشى وبلىستىڭ وڭتۇستىگىندە 15-20 م/س.
جامبىل وبلىسىنىڭ تاۋلى اۋداندارىندا قاتتى قار كۇتىلەدى. 21-22-جەلتوقساندا وبلىستىڭ وڭتۇستىگىندە، سولتۇستىگىندە، تاۋلى اۋداندارىندا تۇمان، كوكتايعاق، جاياۋ بۇرقاسىن كۇتىلەدى. وڭتۇستىك- باتىستان سوققان جەل سولتۇستىك- باتىس جەلىنە اۋىسادى، وبلىستىڭ وڭتۇستىك- باتىسىندا، سولتۇستىك- شىعىسىندا، تاۋلى اۋداندارىندا 15-20 م/س، 21-جەلتوقساندا ەكپىنى 23-28 م/س كۇتىلەدى.
