قازاقستاندا 12 ميلليارد دوللار بولاتىن مۇنايگاز- حيمياسى جوبالارى ىسكە اسىرىلادى
بۇل تۋرالى ق ر ەنەرگەتيكا ءمينيسترى نۇرلان نوعايەۆ تاتارستانداعى مۇنايگاز- حيمياسى فورۋمىندا ايتتى، دەپ حابارلايدى قازاقپارات.
ق ر ەنەرگەتيكا مينيسترلىگى باسپا ءسوز قىزمەتىنىڭ مالىمەتىنشە، قازان قالاسىندا ءوتىپ جاتقان فورۋمنىڭ اشىلۋىندا سويلەگەن سوزىندە ق ر ەنەرگەتيكا ءمينيسترى قازاقستان مەن رەسەي فەدەراتسياسى اراسىندا ەكونوميكانىڭ نەگىزگى سالالارىنىڭ ءبىرى - مۇنايگاز- حيمياسى سالاسىندا وڭ دامۋ سەرپىنى بايقالاتىنىن اتاپ ءوتتى.
«بۇعان دالەل رەتىندە اعىمداعى جىلى ءبىزدىڭ ءىرى مۇناي- گاز كومپانيالارىمىز «قازمۇنايگاز» ا ق مەن «تات نەفت» ج ا ق اراسىندا بۋتاديەن مەن ونىڭ ونىمدەرىن شىعارۋ بويىنشا ءوزارا ءىس- قيمىلدىڭ بازالىق شارتتارى تۋرالى كەلىسىمگە قول قويۋ بولىپ وتىر»، - دەدى نۇرلان نوعايەۆ.
وسى جوبا بويىنشا ينۆەستيتسيالار كولەمى شامامەن 820 ميلليون ا ق ش دوللارىن قۇرايدى، اياقتالۋ مەرزىمى - 2026 -جىل. زاۋىت ونىمدەرى رەسەي فەدەراتسياسىنا، ەۋروپاعا، تۇركياعا جانە قىتايعا جەتكىزىلەدى دەپ جوسپارلانۋدا.
بۇگىنگى تاڭدا قازاقستاندا حوش ءيىستى كومىرسۋتەكتەر، جاعارمايلار، پوليپروپيلەن جانە بەنزينگە ارنالعان وكتان قانىقتىراتىن قوسپالار وندىرەتىن زاۋىتتار تابىستى جۇمىس ىستەۋدە. بۇل زاۋىتتار شىعاراتىن ءونىم جەلىسى ىشكى نارىقتا جوعارى سۇرانىسقا يە، سونداي- اق قىتاي، رەسەي، وزبەكستان جانە ت. ب. كورشى ەلدەرگە ەكسپورتتالادى.
سونداي- اق قازاقستاندا قۋاتتىلىعى جىلىنا 500 مىڭ توننا، قۇنى 2,6 ميلليارد دوللاردى قۇرايتىن پوليپروپيلەن وندىرەتىن زاۋىتتىڭ قۇرىلىسى جۇرگىزىلىپ جاتىر. بۇدان باسقا مىناداي وندىرىستىك جوبالار ءارتۇرلى دامۋ ساتىسىندا:
- پوليەتيلەنتەرەفتالات (جىلىنا 1 ميلليارد دوللارعا 430 مىڭ توننا)؛
- مەتانول (جىلىنا 130 مىڭ توننا، قۇنى 200 ميلليون دوللار)؛
- ولەفيندەر (جىلىنا 800 مىڭ توننا/ قۇنى 1,8 ميلليارد دوللار)؛
- پوليەتيلەن (جىلىنا 1,250 ميلليون توننا/قۇنى 7,6 ميلليارد دوللار)؛
- (جىلىنا 186 مىڭ توننا، قۇنى $820 ميلليون)؛
- نەگىزگى مايلار (جىلىنا 280 مىڭ توننا، قۇنى $860 ميلليون).
اتالعان جوبالاردىڭ جالپى قۇنى شامامەن 12 ميلليارد ا ق ش دوللارىن قۇرايدى.
«ءبىز وسى سالاداعى جوبالاردى تابىستى ىسكە اسىرۋ ءۇشىن بارلىق قاجەتتى مەملەكەتتىك قولداۋ شارالارىن كورسەتەتىن بولامىز. ەلباسى نۇرسۇلتان نازاربايەۆ قازاقستانداعى مۇنايگاز- حيميانىڭ دامۋىنا سەرپىن بەردى. مەملەكەت باسشىسى قاسىم- جومارت توقايەۆ ءوز كەزەگىندە وسى باعىتتى دامىتۋعا قاتىستى الدىمىزعا ۇنەمى مىندەتتەر قويىپ كەلەدى. قازىرگى ۋاقىتتا ۇكىمەت مۇنايگاز- حيميا سالاسىندا ارنايى ينۆەستيتسيالىق كەلىسىم ازىرلەۋدە، وندا وسى سالانى دامىتۋعا ينۆەستيتسيالاردى ىنتالاندىرۋعا باعىتتالعان ەرەكشە پرەفەرەنتسيالار قامتىلاتىن بولادى، - دەدى ق ر ەنەرگەتيكا ءمينيسترى فورۋمنىڭ اشىلۋىندا.
تاتارستانعا جۇمىس ساپارى اياسىندا نۇرلان نوعايەۆ حالىقارالىق عىلىمي- پراكتيكالىق كونفەرەنسياعا قاتىسادى، ارىپتەستەرىمەن جول قۇرىلىسى مەن قۇرىلىس سالاسىندا مۇناي- حيميا ونىمدەرىن پايدالانۋدى كەڭەيتۋدى تالقىلايدى، سونداي- اق تاتارستان رەسپۋبليكاسىنىڭ پرەزيدەنتى رۋستام ميننيحانوۆپەن كەزدەسەدى.
اۆتور: رۋسلان عابباسوۆ