اۆستراليادا قوس عاشىق 12 مىڭ مەتر بيىكتىكتە ۇيلەندى
باسىلىمنىڭ مالىمەتىنشە، 35 جاستاعى ەلەين تيونگ پەن 36 جاستاعى ليۋك سەردار مەلبۋرننان سيدنەيگە باعىت العان Virgin Australia اۋە كومپانياسىنىڭ ۇشاعىندا ۇيلەنگەن. «شىنىمدى ايتسام، مەن بىرنەشە جىلدان بەرى توي ۇيىمداستىرۋمەن اينالىسامىن. جۇزدەگەن سالتاناتتى شارانى ۇيىمداستىرعاننان كەيىن ءوزىمىز ءۇشىن ەرەكشە نارسە جاساعىم كەلدى. بۇل مەن ۇنەمى ارمانداعان، ستاندارتتان تىس مەرەكە. ليۋك ساياحات پەن ۇشاقتاردى جاقسى كورەدى. سول سەبەپتى بۇدان ارتىق ورىندى ويلاپ تابۋ مۇمكىن ەمەس ەدى»، - دەيدى ەلەين تيونگ.
سالتاناتتى ءراسىم كەزىندە قالىڭدىق v- ءپىشىندى اق كويلەك، كۇيەۋ جىگىت اقشىل سارى ءتۇستى كلاسسيكالىق ۇلگىدەگى كوستيۋم كيگەن. جۇبايلار ماسكا رەجيمىن دە ساقتاعان.
«وتباسىمىز بەن دوستارىمىز ءبىزدى ەسىنەن اداسقان دەپ ويلاۋى مۇمكىن. ءبىراق ءبىزدىڭ ءاردايىم توسىن جايتتارعا دايىن ەكەنىمىزدى ءبىلسىن»، - دەيدى سەردار.
nur.kz