12 جاستاعى بالا جۋىناتىن بولمەدە توك سوعىپ قايتىس بولدى
ناقتى دەرەكتەر بويىنشا سوسنوۆسكايانىڭ ۇلى سۋعا ءتۇسىپ جاتقان كەزدە، ونىڭ ۇستىنە قۋات كوزىندە تۇرعان ۇيالى تەلەفون ءتۇسىپ كەتكەن. ءسويتىپ ونى توق سوعىپ، ول وقيعا ورنىندا ءتىل تارتپاستان كوز جۇمعان.
بلوگەر ءوزىنىڭ Instagram پاراقشاسىندا وتباسىندا قايعىلى جاعداي ورىن العانىن ايتتى.
«باستاپقىدا بالامنىڭ نەدەن قايتىس بولعانىن تۇسىنگەن جوقپىز. ءبىراق ارتىنشا توق سوققانى بەلگىلى بولدى. سۋدا جاتقاندا قۋات كوزىندە تۇرعان تەلەفون ىشىنە ءتۇسىپ كەتكەن. ول تەلەفوندى قولىمەن ۇستاپ، جەرگە لاقتىرىپ ۇلگەرگەن. الايدا تىم كەش ەدى. وسى ارالىقتا توق سوعىپ ۇلگەرگەن. كۇيەۋىم قاتتى داۋىستان ۆاننانىڭ ەسىگىن اشىپ كىرگەن كەزدە، بالامىز كوز جۇمعان»، دەيدى ول.
وسىلايشا بلوگەردىڭ 12 جاستاعى ۇلىن توق سوعىپ قايتىس بولدى. بلوگەر ءوزىنىڭ حابارلاماسىندا اتا-انالاردى بالالارىنا جۋىناتىن بولمەدە تەلەفون پايدالانۋعا تىيىم سالۋعا شاقىردى.