قازاقپارات كۇنتىزبەسى: 12- قاراشا

اتاۋلى كۇندەر

دۇنيەجۇزىلىك ساپا كۇنى

جىل سايىن قاراشا ايىنىڭ ەكىنشى بەيسەنبىسىندە اتاپ وتىلەدى. بۇل مەرەكەنى اتاپ ءوتۋ ۇسىنىسىن ەۋروپالىق ساپا ۇيىمى ەنگىزگەن، ال بىرىككەن ۇلتتار ۇيىمى قولداۋىن بىلدىرگەن. مەرەكە 1990-جىلى ماقۇلداندى.

دۇنيەجۇزىلىك ساپا كۇنى سياقتى داتانى حالىقارالىق كۇنتىزبەگە ەنگىزۋ ماقساتى - ءتۇرلى ەلدەردەگى ءتۇرلى كومپانيالاردىڭ ۇسىنىپ وتىرعان ونىمدەرى مەن قىزمەت ساپاسى پروبلەمالارىنا نازار اۋدارتۋ.

دۇنيەجۇزىلىك پنيەۆمونياعا قارسى كۇرەس كۇنى

كۇنتىزبەدە بالالار پنيەۆمونياسىنا قارسى كۇرەس كۇن عالامدىق كواليتسيانىڭ ارقاسىندا پايدا بولدى. حالىقارالىق، ۇكىمەتتىك، ۇكىمەتتىك ەمەس جانە جەرگىلىكتى ۇيىمداردىڭ، عىلىمي-زەرتتەۋ جانە ءبىلىم الۋ ينستيتۋتتارىنىڭ، قورلاردىڭ جانە بەلسەندى ازاماتتاردىڭ بىرلەستىگى وسىلاي اتالادى.

ەستە قالار وقيعالار

1959 -جىلى قازاقستان جۋرناليستەر وداعى قۇرىلدى. ونىڭ باستى ماقساتى مەن مىندەتتەرى - ب ا ق- تار مەن بيلىك ينستيتۋتتارى اراسىندا كونسترۋكتيۆتى ديالوگ ورناتۋ؛ ءسوز بەن باسپا ءسوز بوستاندىعىن قورعاۋ؛ جۋرناليستيكا مەن ب ا ق- تاردىڭ جالپى مەملەكەتتىك، كوپ ۇلتتىق دامىعان ينفراقۇرىلىمىن قالىپتاستىرۋ جانە ونى حالىقارالىق اقپاراتتىق كەڭىستىككە بەيىمدەۋ؛ جۋرناليستەر جەكەدارا شىعارماشىلىق جۇمىسىمەن اينالىسۋى ءۇشىن ولارعا ەكونوميكالىق، قۇقىقتىق، الەۋمەتتىك- تۇرمىستىق جاعداي جاساۋ جانە ت. ب.

1993 -جىلى ق ر پرەزيدەنتىنىڭ «قازاقستان رەسپۋبليكاسىنىڭ ۇلتتىق ۆاليۋتاسىن ەنگىزۋ تۋرالى» 1399№ جارلىعى شىقتى. وعان سايكەس، قازاقستاننىڭ ءاربىر ازاماتى ەسكى سوم اقشانى 1 تەڭگەگە 500 رۋبل باعامىمەن ايىرباستاۋ قۇقىعىنا يە بولدى. ءبىراق ءبىر ادام تەك 100 مىڭ رۋبل الماستىرا الاتىن، ياعني ءاربىر قازاقستاندىق قولما-قول اقشامەن تەك 200 تەڭگە الاتىن ەدى. تەڭگەنىڭ باعامى 1 ا ق ش دوللارىنا 4,75 تەڭگە ەتىپ بەلگىلەندى.

1997 -جىلى قازاقستان رەسپۋبليكاسىنىڭ «ديپلوماتيالىق قىزمەت تۋرالى» زاڭىنا قول قويىلدى.

2005 -جىلى قازاقستان حالىقارالىق اۋە باعىتتارىنداعى تاسىمالداۋ تۋرالى كەلىسىمگە قوسىلدى. بۇل قۇجات كەلىسىپ وتىرعان مەملەكەتتەر اراسىندا قونباي ۇشۋ قۇقىقتارىمەن كوپجاقتى الماسۋدى جانە تۇراقتى اۋە قاتىناسى كەزىندەگى كوممەرتسيالىق ەمەس توقتاۋلاردى قاراستىرادى.

2005 -جىلى قازاقستان حالىقارالىق اۋە قاتىناستارىندا كەلىسىپ وتىرعان مەملەكەتتەردىڭ تۇراقتى اۋە قاتىناستارى كەزىندە قونباي ۇشىپ ءوتۋ جانە كوممەرتسيالىق ەمەس ايالداۋعا كوپجاقتى قۇقىق الماستىرۋدى كوزدەيتىن حالىقارالىق اۋە قاتىناستارىنىڭ ءترانزيتى تۋرالى كەلىسىمىنە قوسىلدى.

قازاقستاننىڭ كەلىسىمگە قوسىلۋى ونىڭ قاتىسۋشىلارى بولىپ تابىلاتىن وزگە مەملەكەتتەردىڭ اۋە كاسىپورىندارىنا ءبىزدىڭ رەسپۋبليكامىزدىڭ اۋە كەڭىستىگى ارقىلى ترانزيتتىك ۇشۋىن جەڭىلدەتۋگە مۇمكىندىك بەردى.

2010 -جىلى گۋانچجوۋدا ازيادا تۋىنىڭ «استانا-الماتى 2011» قىسقى ازيا ويىندارىن ۇيىمداستىرۋ كوميتەتىنىڭ مۇشەلەرىنە تابىستاۋ ءراسىمى ءوتتى، سونداي-اق قىسقى ازيا ويىندارى قازاقستاننان كەيىن قاي قالادا وتەتىنى انىقتالدى.

2013 -جىلى تۇركيا ەلىنىڭ بۋرسا قالاسىنداعى «وردەكلي حامام» مادەني ورتالىعىندا «تۇركى الەمىنىڭ مادەني مۇراسى جانە مۇراجايلار» اتتى مۇراجاي ءىسى بويىنشا تۇركسوي حالىقارالىق فورۋمى سالتاناتتى تۇردە اشىلدى.

2015 -جىلى نازاربايەۆ ۋنيۆەرسيتەتىنىڭ تۇلەگى دانا اقىلبەكوۆا ورتالىق ازياداعى ەڭ ءىرى «قازاقستان - جاڭا جاھاندىق يننوۆاتسيالىق حاب» حالىقارالىق يننوۆاتسيالىق فورۋمى» اياسىندا جىلدىڭ ۇزدىك جاس عالىمى جانە باس جۇلدە - 7,5 ميلليون تەڭگە سىيلىقتىڭ يەگەرى بولدى. ول بايقاۋدا ديابەتتەن زارداپ شەگەتىن ادامدارعا ينسۋلين ەگۋدىڭ جاڭا ءادىسىن ۇسىندى.

2015 -جىلى قازاقستان رەسپۋبليكاسىنىڭ موڭعولياداعى ەلشىلىگى موڭعوليا عىلىم اكادەمياسىمەن بىرلەسىپ ابايدىڭ 170 جىلدىعىنا ورايلاستىرىلعان «ابايدىڭ قارا سوزدەرى» كىتابىنىڭ موڭعول تىلىندەگى باسىلىمىن تانىستىردى.

2017 -جىلى اقتوبە وبلىسى العا اۋدانى بەستاماق اۋىلىندا ەسەت باتىردىڭ 350 جىلدىعىنا باتىردىڭ ەسكەرتكىشى اشىلدى. جەرگىلىكتى كاسىپكەرلەر قارجى ءبولىپ، بيىكتىگى 5,5 مەتر بولاتىن ەسكەرتكىش ورناتىلدى. ءمۇسىنشى - ەرلان پىرىمبەتوۆ. وعان جەرگىلىكتى كاسىپكەر نۇرلان ساعىنالين «تۋعان جەرگە تاعزىم» اكسياسى اياسىندا 32 ميلليون تەڭگە ءبولدى. ەسەت باتىر كوكى ۇلى ۇنەمى ءابىلقايىر حاننىڭ جانىنان تابىلىپ، حاننىڭ باستامالارى مەن رەسەيگە قوسىلۋ ويىن قولدادى.

حاننىڭ قاسىندا بولىپ، اقىل- كەڭەسىن بەردى، حان مەن حالىق اراسىندا دانەكەر بولدى.

بوگەنباي باتىر، جانىبەك باتىرمەن بىرىگىپ، ءابىلقايىر حاندى قولدادى، كومەك كورسەتتى.

1743-جىلى 3- شىلدەدە رەسەي پاتشا ۇكىمەتىنىڭ جارلىعىمەن ەسەت كوكى ۇلىنا تارحان اتاعى بەرىلەدى.

2018-جىلى قازاقستاندىق اكتريسا سامال ەسلياموۆا باستى ءرولدى سومداعان «ايكا» فيلمى گەرمانيانىڭ كوتتبۋس قالاسىندا وتكەن حالىقارالىق كينوفەستيۆالدە گران-پريگە يە بولدى. كونكۋرستا 40 ەلدەن 190 فيلم سىنعا تۇسكەن. گران-پريمەن قاتار «ايكا» قازىلاردىڭ ارنايى جۇلدەسىن دە قانجىعاعا بايلادى.

ايتا كەتەيىك، كينوتۋىندىنى رەجيسسەر سەرگەي دۆورتسيەۆوي تۇسىرگەن.

2019 -جىلى «قازپوشتا» ا ق ءۇندىستاننىڭ ساياسي جانە قوعام قايراتكەرى ماحاتما گانديدىڭ 150جىلدىعىنىڭ قۇرمەتىنە ەستەلىك پوشتا ماركاسى شىعارىلدى. مونوحرومدى ماركادا ماحاتما گانديدىڭ سۋرەتى مەن «مەن ءاربىر كوزدەگى جاستى سۇرتكىم كەلەدى» دەگەن ايگىلى دايەكسوزى جازىلعان. ماركانىڭ ديزاينەرى ءى. وڭعارباي. پوشتالىق ماركا «ق ر ۇلتتىق بانكى بانكنوت فابريكاسى» رەسپۋبليكالىق مەملەكەتتىك كاسىپورنىنان شىعارىلدى.

وسىلايشا، قازاقستان ماحاتما گانديدىڭ دۇنيەگە كەلگەنىنە 150 جىل تولعانىنا وراي ەستەلىك پوشتالىق ماركاسىن شىعارعان 100 ەلدىڭ قاتارىنا قوسىلدى.