ا ق ش- تا مەملەكەتتىك قىزمەتشى 12 ادامدى اتىپ تاستادى
سوڭعى مالىمەتتەرگە سۇيەنسەك، 12 ادام قۇربان بولعان، وق اتقان ادامنىڭ ءوزى دە قازا تاپتى، دەپ حابارلايدى «قازاقپارات» ح ا ا BBC گە سىلتەمە جاساپ.
ۆيردجينيا- بيچ (ۆاشينگتوننان 355 ك م قاشىقتىقتا ورنالاسقان ۆيردجينيا شتاتى) شتاتىنداعى اتىس جايلى العاشقى حابارلاما پوليتسياعا جەرگىلىكتى ۋاقىت بويىنشا شامامەن 16:00 دە كەلىپ تۇسكەن. شابۋىلشى قالالىق اكىمشىلىك عيماراتىنىڭ جانە سوت عيماراتىنىڭ جانىندا ءورت شىعارعان. كەشەندە قالانىڭ كوممۋنالدىق قىزمەتتەرى ورنالاسقان.
Wall Street Journal باسىلىمىنىڭ مالىمەتىنشە، اتىس ۇيىمداستىرعان ادام ۇزاق جىلدار كوممۋنالدى قىزمەتتەر سالاسىندا جۇمىس ىستەپ، قىزمەتىنەن بوساتىلعان.
قالالىق پوليسيا باسشىسى دجيم سەرۆەرا قالاداعى كوممۋنالدى قىزمەت سالاسىندا كوپجىلدىق تاجىريبەسى بار مەملەكەتتىك قىزمەتشى ريزا بولماعاندىقتان مۋنيتسيپيالدى عيماراتتا اتىس ۇيىمداستىرعانىن ايتتى.
شابۋىلشى ءوزى جالعىز ارەكەت ەتكەن. سەرۆەرا شابۋىلشىنىڭ شامامەن ساعات 16:00 كەزىندە عيماراتقا كىرىپ، بىردەن وق جاۋدىرعانىن حابارلادى.
شابۋىل كەزىندە 12 ادامنىڭ قازا بولعانى انىقتالدى. مەملەكەتتىك قىزمەتشىنىڭ ءوزى دە پوليتسيامەن اتىس كەزىندە قازا تاپقان.