استانا داۋىسى فەستيۆالىندە 12 ەلدىڭ انشىلەرى ونەر كورسەتەدى
29 -تامىزدا «بارىس ارەنا» مۇزايدىن سارايىنىڭ ساحناسىندا ازيا، ەۋروپا جانە امەريكانىڭ 12 مەملەكەتىنىڭ ارتيستەرى بارشا الەم تىڭدارماندارىنىڭ جۇرەگىن جاۋلاعان حيتتەرىن ورىندايدى.
اتاپ ايتقاندا، Ninety One توبى، گريگوريي لەپس، Loreen, ALEKSEEV، اني لوراك، فيليپپ كيركوروۆ، سوگديانا، سوسوپاۆلياشۆيليجانە باسقالارى. كەش جۇرگىزۋشىلەرى - ءلايلا سۇلتان قىزى جانە اندرەي رازىگرايەۆ.
وتكەن جىلى اتالمىش شارا ەلوردادا العاش رەت وتكىزىلىپ، كۇشتى اسەر قالدىرعان. بەيبىتشىلىك پەن كەلىسىم سارايىندا قايرات نۇرتاس، بيانكا، Oceana, Arash، گريگوري لەپس سىندى ۇزدىك ارتيستەر قالا تۇرعىندارى مەن قوناقتارىنا كوتەرىڭكى كوڭىل كۇي سىيلاعان بولاتىن. انشىلەر قازاقستاندىق كورەرمەندەردىڭ قوناقجايلىلىعى مەن ىقىلاسىن ەرەكشە اتاپ ءوتىپ، جىلى قارسى العاندارى ءۇشىن العىستارىن ءبىلدىردى.
بيىل دا ۇيىمداستىرۋشىلار قىزىققا تولى كەرەمەت كەش سىيلاماق. ايتا كەتەيىك، «Astana Dausy-2018» شاراسىن استانا قالاسى اكىمدىگىنىڭ مادەنيەت جانە سپورت باسقارماسى ۇيىمداستىرادى.
فەستيۆالدىڭ قويۋشى- رەجيسسەرى رەتىندە كيەۆتەن «FCHF-group» كومانداسى شاقىرىلدى. مۋزىكالىق شارانىڭ باستى ۇرانى - «استانا داۋىسى - شەكسىز!».
ۇيىمداستىرۋشىلاردىڭ حابارلاۋىنشا، ارتيستەر ساحنادا ونەر كورسەتكەندە لازەرلىك شوۋدىڭ ينستاللياتسيالارى مەن ەلەمەنتتەرىندە قازاقستاننىڭ سيمۆولدارى مەن ۇلتتىق بەلگىلەرى قولدانىلادى. مىسالى، باستى ەكران ۇلتتىق باس كيىمنىڭ، ال ەدەندەگى دوڭگەلەك ەكران استانانىڭ بەلگىسىنىڭ ەلەمەنتتەرىنىڭ ءبىرىنىڭ فورماسىندا جاسالادى. ءاربىر قويىلىم ەرەكشە بولادى، دەيدى ۇيىمداستىرۋشىلار.
ەسكە سالايىق، فەستيۆالگە قاتىساتىن ارتيستەرگە كورەرمەندەردىڭ شەكسىز سۇيىسپەنشىلىگىنىڭ جانە ونىڭ شىعارماشىلىعىن جوعارى باعالاۋدىڭ بەلگىسى رەتىندە مۇسىنشەلەر تابىستالادى. مۋزىكالىق كەش 29 -تامىزدا ساعات 19.00-دە وتەدى.
