16:14, 13 - قاڭتار 2017 | GMT +5
ۇلت كۋبوگىندا قازاقستاننىڭ 12 بوكسشى قىزى جارتىلاي فينالعا شىقتى
استانا. قازاقپارات - سەربيادا ءوتىپ جاتقان بوكستان ۇلت كۋبوگى حالىقارالىق تۋرنيرىندە قازاقستاننىڭ 12 بوكسشى قىزى جارتىلاي فينالعا شىقتى.

تاعى تورتەۋى شيرەك فينالدا جۇدىرىقتاسادى. بۇل جايىندا قازاقپارات قازاقستان بوكس فەدەراتسياسىنا سىلتەمە جاساپ حابارلايدى.
جىل سايىن سەربيادا وتەتىن ۇلت كۋبوگى بوكستان قىزدار اراسىنداعى ەڭ ءىرى تۋرنيرلەردىڭ ءبىرى سانالادى. تۋرنيرگە 51 كەلى سالماق ساناتىندا قاتىسىپ جاتقان وليمپيادا ويىندارىنا قاتىسۋشى جاينا شەكەربەكوۆا ازىرشە شيرەك فينالعا جەتتى. ال قازاقستان قۇراماسىنىڭ نەگىزگى ساپى سانالاتىن 2016 -جىلعى الەم چەمپيونى دينا جولامان ۆالەنتينا حالزوۆا، ءلاززات كۇنگەيبايەۆا جارتىلاي فينالعا شىقتى. د. جولامان جارتىلاي فينالدا قىتايلىق لين باۋمەن، كۇنگەيبايەۆا رەسەيلىك تاتيانا كوچەدىكوۆامەن جۇدىرىقتاسادى.
ۇلت كۋبوگىنىڭ فينالدىق كەزدەسۋلەرى 15 -قاڭتاردا وتەدى.
اۆتور: مارلان جيەمباي