يزرايل 12 مەملەكەتپەن ەندى قارىم- قاتىناستى مۇلدەم دوعاراتىنىن حابارلادى

استانا. قازاقپارات- بىرىككەن ۇلتتار ۇيىمىنىڭ قاۋىپسىزدىك كەڭەسى پالەستينا ەلىنىڭ اۋماعىندا سالىنعان بارلىق ەۆرەيلىك قۇرىلىس نىساندارىن زاڭسىز دەپ تانىعان قارار قابىلداعان بولاتىن.

 وسىعان وراي يزرايل اتالمىش قۇجاتقا داۋىس بەرگەن ۇلى بريتانيا، قىتاي، فرانسيا، جاپونيا، رەسەي، ۋكراينا سياقتى جالپى سانى 12 مەملەكەتپەن ەندى قارىم- قاتىناستى مۇلدەم دوعاراتىنىن مالىمدەدى. بۇل تۋرالى 31 - ارنا حابارلادى.

بىرىككەن ۇلتتار ۇيىمى قابىلداعان قۇجاتتا 1967 -جىلدان بەرى پالەستينا تەرريتورياسىندا سالىنعان بارلىق ەۆرەيلىك نىساندار زاڭسىز دەپ تانىلسا، ونى پالەستينالىقتار ۇلكەن قۋانىشپەن قابىلدادى. بۇل قۇجات داۋلى بوپ ەسەپتەلەتىن يەرۋساليمنىڭ شىعىس بولىگىن دە ەۆرەيلەرگە تيەسىلى ەمەس ەكەنىن مويىندايدى. دەگەنمەن، يزرايل حالىقارالىق ۇيىمنىڭ شەشىمىنە كونىپ وتىرعان جوق.

وسى ەلدىڭ پرەمەر- ءمينيسترى بينيامين نەتانياحۋ اتالعان 12 مەملەكەتتىڭ كوشباسشىلارى مەن ەلشىلەرىن ەندى قابىلدامايتىنىن ءارى ەكونوميكالىق ىنتىماقتاستىقتىڭ تامىرىنا بالتا شابىلاتىنىن كەسىپ ايتتى. سونداي- اق، يزرايل كوشباسشىسى قاڭتار ايىنىڭ باسىنا جوسپارلانعان ۇلى بريتانيا ەلىنىڭ پرەمەر- ءمينيسترى تەرەزا مەيمەن داۆوستا كەزدەسۋدەن باس تارتتى. بۇگىنگى تاڭدا يوردان وزەنىنىڭ باتىس جاعالاۋىنداعى 140 ەلدى مەكەندە 500 مىڭنان استام ەۆرەي تۇرادى ەكەن.

https://islam.kz