قازاقستاندىق كاسىپقوي بوكسشىنىڭ كەلەسى جەكپە-جەگى 12- جەلتوقساندا وتەدى

استانا. قازاقپارات - قازاقستاندىق كاسىپقوي بوكسشى بەكمان سويلىبايەۆ كەلەسى جەكپە- جەگىن 12- جەلتوقساندا وتكىزەدى، دەپ حابارلايدى kazsport.kz.

جەڭىل سالماقتا باق سىنايتىن قازاقستاندىق كاسىپقوي بوكسشى بەكمان سويلىبايەۆ (6-0-0,  3 ك و) كەزەكتى جەكپە-جەگىن 12- جەلتوقساندا كيەۆتە (ۋكراينا) وتكىزەدى.

ونىڭ بۇل جولعى قارسىلاسى - 26 جاستاعى گرۋزيالىق بوكسشى كاحابەر اۆەتيسيان. اۆەتيسيان كاسىبي بوكستا 74 كەزدەسۋ وتكىزىپ، 41 ىندە جەڭىسكە جەتىپ (23 نوكاۋت)، 32 جەكپە-جەكتە ۇتىلىپ، 1 كەزدەسۋىن تەڭ اياقتاعان.

ايتا كەتەيىك، بەكمان شىعاتىن كەشتىڭ باستى جەكپە-جەگىندە ۋكراينالىق الەكساندر ۋسيك (8-0-0) پەن كۋبالىق پەدرو رودريگەس (22-1-0) كەزدەسەدى.

ەسكە سالساق، تامىز ايىندا قازاقستاندىق بوكسشى بەكمان سويلىبايەۆ كاسىبي رينگتە التىنشى جەڭىسكە قول جەتكىزگەن ەدى.