09:26, 12 - تامىز 2021 | GMT +6
كوروناۆيرۋس پەن پنەۆمونيادان ءبىر تاۋلىكتە 129 ادام قايتىس بولدى
نۇر-سۇلتان. قازاقپارات - قازاقستاندا كوروناۆيرۋس پەن كوروناۆيرۋس بەلگىلەرى بار پنەۆمونيادان ءبىر تاۋلىكتە 129 ادام قايتىس بولدى.
قازاقپارات بۇل تۋرالى ق ر دەنساۋلىق ساقتاۋ مينيسترلىگىنە سىلتەمە جاساپ حابارلايدى.
10-تامىزداعى مالىمەت بويىنشا، ەل وڭىرلەرىندە كوروناۆيرۋس ينفەكسياسىنىڭ بەلگىلەرى بار پنەۆمونيانىڭ 427 جاعدايى جانە 24 ءولىم جاعدايى تىركەلدى. وعان قوسا 221 ادام ەمدەلىپ شىقتى. 2020 -جىلدىڭ 13-ناۋرىزىنان بۇگىنگە دەيىن كوروناۆيرۋس پنيەۆمونياسىمەن اۋىرعاندار - 64492، قايتىس بولدى - 3973، جازىلىپ شىقتى 56318 ادام. سونداي-اق مينيسترلىك اقپاراتىنا سايكەس، 10-تامىزدا كوروناۆيرۋس ينفەكسياسىنان 105 ادام كوز جۇمدى.