استانادا جىلدىڭ باسىنان بەرى 12496 پاتەر پايدالانۋعا بەرىلدى
ونىڭ ىشىندە مەملەكەت مەنشىگى 213228 شارشى مەتردى، جەكە مەنشىك 1117218 شارشى مەتردى، شەتەلدىك مەنشىك - 76740 شارشى مەتردى قۇرادى، دەپ حابارلادى astana.gov.kz.
جىلدىڭ باسىنان باستاپ تۇرعىن ءۇي قۇرىلىسىنا ينۆەستيتسيا سالۋ كولەمى 107142,2 ميلليون تەڭگەنى قۇرادى، ەلوردانىڭ كاسىپكەرلەرى مەن ۇيىمدارى 370380,2 ميلليون تەڭگەگە قۇرىلىس جۇمىستارىن (قىزمەت كورسەتۋ) جۇرگىزدى. كولەمى بويىنشا جالپى كولەمنىڭ نەعۇرلىم كوپ ۇلەسى جەكە مەردىگەرلىك ۇيىمداردىڭ قۇرىلىس جۇمىستارىنا تيەسىلى، ول - %65,5 قۇرايدى، شەتەل مەردىگەرلەرى %34,4، مەملەكەتتىك ۇيىمدار - %0,1 ورىندادى.
استانا قالاسىنىڭ ستاتيستيكا دەپارتامەنتى حابارلاعانداي، قۇرىلىس جۇمىستارى قۇرىلىمىنىڭ جالپى كولەمنىڭ %97,3 ى قۇرىلىس-مونتاجداۋ جۇمىستارىنا، %1,6 - كۇردەلى جوندەۋگە، %1,1 اعىمداعى جوندەۋگە جۇمسالادى.
قۇرىلىس جۇمىستارىنىڭ جالپى كولەمىنىڭ ەلەۋلى ۇلەسىن تۇرعىن ءۇي مەن تۇرعىن ەمەس عيماراتتاردى سالۋ جۇمىستارى الادى. بۇدان بولەك، قازىرگى كەزدە جالپى الاڭى 88,55 شارشى مەتر 1582 پاتەردى 2016-جىلى پايدالانۋعا بەرۋ مەرزىمىمەن وڭىرلەردى دامىتۋدىڭ 2020-جىلعا دەيىنگى باعدارلاماسى اياسىندا تۇرعىن ۇيلەردى سالۋ جالعاسۋدا.
