الەمنىڭ 120 دان استام ەلى پاندەميانىڭ شىعۋىنا قاتىستى تەرگەۋ جۇرگىزبەك

نۇر-سۇلتان. قازاقپارات - اۆستراليانىڭ COVID-19-دىڭ تارالۋ سەبەپتەرىنە تاۋەلسىز تەرگەۋ جۇرگىزۋ تۋرالى ۇسىنىسىن 120دان استام مەملەكەت قولدادى. بۇل تۋرالى The Guardian حابارلادى.

«د د س ۇ- نىڭ پاندەمياعا بايلانىستى ارەكەتتەردى بەيتاراپ باعالاۋدى تالاپ ەتەتىن قارارىنىڭ جوباسىندا قىتاي تۋرالى ايتىلمايدى، ءبىراق ونى 122 ەل قولدايدى»، - دەلىنگەن حابارلامادا.

ەۋرووداق ەلدەرى، ۇلى بريتانيا، رەسەي، كانادا، جاڭا زەلانديا، افريكانىڭ 54 مەملەكەتى جانە باسقا دا مەملەكەتتەر اۆستراليانىڭ ۇسىنىسىنا قوسىلدى. ولاردىڭ اراسىندا ازىرگە قىتاي مەن ا ق ش جوق. وسى ماسەلە بويىنشا داۋىس بەرۋ 19 -مامىر كۇنى تاڭەرتەڭ وتەدى.