سالىمشىلاردىڭ 120 ميلليون تەڭگەسىن ۇرلاعان بانكيرلەر سوتتالدى

تۇركىستان. قازاقپارات - وبلىستىق ءى ءى د تەرگەۋشىلەرىنىڭ كاسىبي شەبەرلىگىنىڭ ارقاسىندا سالىمشىلاردىڭ دەپوزيتىندەگى اقشالارىن يەمدەنگەن بانك قىزمەتكەرلەرىنىڭ قىلمىستىق ءىس-ارەكەتى اشكەرە بولدى.

بۇل تۋرالى قازاقپارات ءى ءى د باسپا ءسوز قىزمەتىنە سىلتەمە جاساپ حابارلايدى.

وتكەن جىلى تامىزىندا وبلىستىق ءى ءى د تەرگەۋ باسقارماسىمەن ماقتارال اۋدانىنداعى جەتەكشى بانك فيليالىنىڭ قىزمەتكەرلەرى ا. ۋكيبايەۆ، ت. ساۋرانبايەۆ، س. التەنوۆ، ب. كاليبايەۆا جانە ش. ايتورەيەۆالاردىڭ ۇستىنەن ق ر ق ك-نىڭ 189 «بوتەن مۇلىكتى يەمدەنىپ الۋ» جانە 385 «جالعان قۇجات جاساۋ» باپتارى بويىنشا سوتقا دەيىنگى تەرگەۋ امالدارى باستالعان بولاتىن.

پوليتسەيلەر 5 بانك قىزمەتكەرىنىڭ كىناسىن تولىق دالەلدەپ شىقتى. ولاردىڭ بارلىعى دا الدىن-الا ءسوز بايلاسىپ، قىلمىستىق ءىس-ارەكەتتەرىن جۇزەگە اسىرىپ وتىرعان. ءۇش جىل كولەمىندە بانك كليەنتتەرىنىڭ قولتاڭباسىن جالعان جاساپ، اقشالارىن يەمدەنىپ وتىرعان. ناتيجەسىندە ولار سالىمشىلارعا 120000000 تەڭگە كولەمىندە شىعىن كەلتىرگەن.

2018 -جىلدىڭ باسىندا وبلىستىق ءى ءى د تەرگەۋشىلەرى كوپتومدىق قىلمىستىق ءىستى ايىپتاۋ اكتىسىمەن سوتقا جولداندى.

تۇركىستان وبلىسى ماقتارال اۋداندىق سوتى قىلمىستىق توپتىڭ بەس مۇشەسىنە قاتىستى ۇكىمىن شىعاردى، سەنىپ تاپسىرىلعان بوتەن مۇلىكتى يەمدەنگەنى ءۇشىن ۋكيبايەۆ اجيبەك پەن ساۋرانبايەۆ تالعات 7 جىلعا باس بوستاندىعىنان ايرىلدى. ال، التەنوۆ ساكەن، كاليبايەۆا باقتىگۇل جانە ايتورەيەۆا ايشولپانعا شارتتى تۇردە جازالار تاعايىندالدى.