فرانسيادا مۇگەدەكتەرگە ارنالعان دەمالىس ءۇيى ورتەندى، 11 ادامنىڭ قازا بولعانى ايتىلۋدا

استانا. قازاقپارات - فرانسيادا مۇمكىندىگى شەكتەۋلى ادامدارعا ارنالعان دەمالىس ۇيىنەن ءورت شىعىپ، بولجام بويىنشا 11 ادام قازا بولدى. بۇل تۋرالى قازاقپارات euronews-كە سىلتەمە جاساپ حابارلايدى.

فرانتسيا بيلىگى ورتتەن 11 ەرەسەك ادام «كوز جۇمعان بولۋى مۇمكىن» دەپ مالىمدەدى.

ەلدىڭ ىشكى ىستەر ءمينيسترى جەرالد دارمانەن Twitter- دە بۇگىن تاڭەرتەڭ گەرمانيا شەكاراسىنا جاقىن ورنالاسقان ۆينتسەنحايم شاعىن قالاسىنداعى مۇگەدەكتەرگە ارنالعان مەكەمەدە ءورت شىققانىن جازدى.

«وكىنىشكە قاراي، قازا بولعاندار بار»، - دەدى ول.

جوعارعى رەين ايماعىنىڭ جەرگىلىكتى اكىمشىلىگى ءورت ۆينتسەنحايمداعى مۇمكىندىگى شەكتەۋلى جاندار دەمالاتىن جەكە ۇيدە تاڭعى ساعات 6:30 دا باستالعانىن ءمالىم ەتتى. 17 ادام ەۆاكۋاتسيالاندى، 1 ادام اۋرۋحاناعا جەتكىزىلدى.

وقيعا ورنىنا فرانتيانىڭ پرەمەر- ءمينيسترى ەليزابەت بورن شىقتى.