قازاقستان حالىقارالىق تۋرنيردە 11 جۇلدەمەن وزبەكستاندى ارتتا قالدىردى

استانا. قازاقپارات – ءازىربايجاندا گەيدار اليەۆتىڭ 100 جىلدىعىنا وتكەن بوكستان جاستار اراسىنداعى حالىقارالىق تۋرنير اياقتالدى، دەپ حابارلايدى Vesti.kz.

بۇل جارىسقا 11 ەلدەن جۇزدەن اسا بوكسشى قاتىسقان. قازاقستان بۇل تۋرنيردە 11 جۇلدە - ءۇش التىن، ءۇش كۇمىس جانە بەس قولا جەڭىپ العان. چەمپيوندار ەرجان ىزتىلەۋوۆ (52 كەلى)، تاگير ساتايەۆ (63)، جاسۇلان بەردالى (70).

كۇمىس يگور سولوۆيەۆ (63)، بەكارىس نۇرمۇحان (66)، بەكسۇلتان قايرات ۇلى (80)، ال قولا - رامازان ورىنباسار (50)، اسقار قۋانىش (63)، مۇحيت نۇرقابىل (57)، باقىتجان ايتمۇحانوۆ (75)، انيات تىلەۋجان (80).

جالپىكوماندالىق ەسەپتە رەسەيدەن كەيىن ەكىنشى ورىنعا تۇراقتادى. ۇزدىك ۇشتىكتى ءازىربايجان تۇيىندەدى.

بۇل تۋرنيردە جەكەلەي ماراپات تا بەرىلگەن ەكەن. ماسەلەن، قازاقستاندىق دانيار اقبيسەنوۆ «ەڭ تاباندى بوكسشى» اتانعان، ال وزبەكستاندىق بەحرۋز كۋربونوۆ «تەحنيكاسى ەڭ مىقتى» رەتىندە مويىندالىپتى.

جالپىكوماندالىق ەسەپ مىناداي:

1. رەسەي — 4-3-3

2. قازاقستان — 3-3-5

3. ءازىربايجان — 3-1-13

4. وزبەكستان — 2-4-1

5. بەلارۋس — 1-0-1

6-7. گرۋزيا — 0-1-0

6-7. يزرايل — 0-1-0

8. قىرعىزستان — 0-0-2