14:58, 06 - اقپان 2021 | GMT +6
قىتايدا كەمە اۋدارىلىپ، 11 ادام مەرت بولدى
بەيجىڭ. شينحۋا- قازاقپارات - قىتايدىڭ شىعىسىنداعى انحوي پروۆينسياسىندا بوحۋ كولىندە بالىق اۋلايتىن كەمە اۋدارىلىپ، سۋعا باتىپ كەتتى. 11 ادام مەرت بولدى، دەپ حابارلايدى قازاقپارات «شينحۋا» اگەنتتىگىنە سىلتەمە جاساپ.
اگەنتتىكتىڭ مالىمەتى بويىنشا، تاعى ءۇش بالىقشى قۇتقارىلعان. بوحۋ كولىندەگ قايعىلى وقيعا كەزىندە كەمە بورتىندا سۋسۋن ۋەزىنىڭ 14 تۇرعىنى بولعان. پوليتسيا مەن جەرگىلىكتى توتەنشە جاعدايلار باسقارماسىنىڭ قىزمەتكەرلەرى قازا تاپقانداردىڭ ءمايىتىن ىزدەۋ جۇمىسىن اياقتادى. وقيعانىڭ جاي- جاپسارىن تەكسەرۋ ءۇشىن تەرگەۋ ءجۇرىپ جاتىر.