10:40, 10 - قازان 2018 | GMT +5
شەرحان مۇرتازانى 11 -قازاندا اقتىق ساپارعا شىعارىپ سالادى
استانا. قازاقپارات - ق ر مادەنيەت جانە سپورت مينيسترلىگى شەرحان مۇرتازانىڭ جانازاسى وتەتىن ورىندى حابارلادى.
«شەرحان مۇراتازانى 11 -قازان كۇنى ساعات 10.00-دە م. اۋەزوۆ اتىنداعى قازاق مەملەكەتتىك اكادەميالىق دراما تەاترىنان اقتىق ساپارعا شىعارىپ سالادى. جازۋشى كەڭساي زيراتىنا جەرلەنەدى. قوشتاسۋ ءراسىمىن ءوزى تۋىپ- وسكەن جامبىل وبلىسى مەن الماتى قالاسىنىڭ اكىمدىكتەرى، جازۋشىلار وداعى جانە ق ر مادەنيەت جانە سپورت مينيسترلىگى بىرگە ۇيىمداستىرادى»، - دەپ حابارلادى ق ر مادەنيەت جانە سپورت مينيسترلىگىنىڭ باسپا ءسوز حاتشىسى ايدار قىرىقباي.
قازاق ادەبيەتىنىڭ كورنەكتى وكىلى كەشە شامامەن 18:30-دا الماتى قالاسىنداعى ۇيىندە اۋىر ناۋقاستان قايتىس بولدى. جازۋشى قىركۇيەك ايىندا 86 جاسقا تولعان ەدى.