ءيت 11 جاسار قوجايىنىن پەدوفيلدەن قۇتقارىپ قالدى

  استا.قازاقپارات - لەنينگراد وبلىسىنىڭ سياسستروي قالاسىندا ءيت 11 جاسار قوجايىنىنا تاپ بەرىپ، ونى ورمانعا سۇيرەپ اكەتپەكشى بولعان ەر ادامدى قۋىپ جەتىپ شابۋىل جاسادى، دەپ جازادى Stan.kz.

وقيعا سارسەنبى، 22 - تامىزدا بولدى. قىز ءيتىن (پيتبۋل) كوشەدە سەرۋەندەتىپ جۇرگەندە وعان بەيتانىس ادام كەلىپ اياعىنان ۇستاپ الىپ، ورمانعا سۇيرەپ اكەتكەن. قىزعا تاپ بەرگەن ەر ادام بۇنىمەن قويماي ونى جولدا تاياقپەن ۇرعان.

بالانىڭ اناسى پوليتسيا قىزمەتكەرلەرىنە قىزىنىڭ قالاي امان قالعانىن بايانداپ بەردى. ونىڭ ايتىنشا، ءيت تۇمىلدىرىعىن كەمىرىپ يەسىن ۇرلاپ كەتكەن شابۋىلداۋشىعا قاراي جۇگىرىپ، وعان تاپ بەرگەن. ال، يتتەن قالاي قۇتىلارىن بىلمەگەن ەر ادام قىزدى تاستاي سالا، قاشا جونەلگەن.

پوليتسەيلەر ەندى قىزعا شابۋىل جاساعان ەر ادامدى ىزدەستىرىپ جاتىر.

Stan.kz