20:32, 06 - تامىز 2018 | GMT +5
ەلىمىزدە 11 - تامىزدا كۇن تۇتىلادى
استانا. قازاقپارات - 11 - تامىزدا كۇن تۇتىلادى. كۇننىڭ تۇتىلۋى سولتۇستىك جانە شىعىس قازاقستان مەن پاۆلودار وبلىستارىندا انىق كورىنەدى، دەپ حابارلايدى التاينيۋس.

پروفەسسور، استروفيزيك اندرەي سولودوۆنيك بۇل كۇننىڭ بەسىنشى مارتە تۇتىلۋى ەكەنىن ايتتى. ءارى وسى جىلداعى سوڭعىسى كورىنەدى.
«كۇننىڭ تۇتىلۋى سولتۇستىك جانە شىعىس قازاقستان مەن پاۆلودار وبلىستارىندا انىق بايقالادى. استانادا جانە وڭتۇستىك پەن باتىس شاھارلارىندا بۇل قۇبىلىس كورىنبەۋى مۇمكىن، - دەدى استروفيزيك.
جەر شارىنىڭ بىردە- ءبىر جەرىندە كۇن تولىق تۇتىلمايدى. سولودوۆنيكتىڭ سوزىنشە، ەڭ جوعارعى فازاسى بىزدە بايقالادى. 0.23. بۇدان كەيىن اركتيكا مەن ەۋروپانىڭ سولتۇستىك- شىعىسىندا ءبىرشاما وڭتايلى راكۋرستا كورىنەتىنىن ايتادى.
كۇننىڭ تۇتىلۋى 11 - تامىزدا ساعات 15:31 دە باستالىپ، ساعات 16:54 دە اياقتالادى دەپ بولجاندى.