سينوپتيكتەردىڭ 11- شىلدە كۇنگى اۋا رايى بولجامى
وڭتۇستىكتە تۇندە جانە تاڭەرتەڭ داۋىل تۇرادى. رەسپۋبليكانىڭ تەك باتىسىندا، وڭتۇستىگىندە، جانە شىعىس بولىگىندە اۋا رايى جاۋىن-شاشىنسىز بولادى. قازاقستاننىڭ كەي ايماقتارىندا جەل كۇشەيىپ، تۇندە جانە تاڭەرتەڭ كەي جەرلەردە تۇمان كۇتىلەدى، دەپ حابارلايدى قازاقپارات «قازگيدرومەت» ر م ك- عا سىلتەمە جاساپ.
اتاپ ايتقاندا، سولتۇستىك قازاقستان وبلىسىنىڭ كەي جەرلەرىندە 15-20 م/س ەكپىندە جەل سوعادى. كۇندىز بۇرشاق جاۋۋى مۇمكىن، تۇندە جانە تاڭەرتەڭ كەي جەرلەردە تۇمان كۇتىلەدى.
قاراعاندى وبلىسىنىڭ كەي جەرلەرىندە بۇرشاق جاۋۋى مۇمكىن، كۇندىز جەلدىڭ كۇشى 15-20 م/س جەتەدى، تۇندە جانە تاڭەرتەڭ تۇمان ءتۇسۋى ىقتيمال.
قىزىلوردا وبلىسىنىڭ كەي جەرلەرىندە تاڭەرتەڭ جانە كۇندىز داۋىل تۇرىپ، 15-20 م/س جىلدامدىقتا جەل سوعادى.
جامبىل، قوستاناي، اقمولا، كۇندىز الماتى وبلىستارىنىڭ كەي جەرلەرىندە 15-20 م/س جەل تۇرادى، قوستاناي، كۇندىز اقمولا وبلىستارىندا بۇرشاق بولۋى مۇمكىن.
باتىس قازاقستان، اتىراۋ، اقتوبە، قىزىلوردا، ماڭعىستاۋ وبلىستارىنىڭ باسىم بولىگىندە، كەي جەرلەردە جامبىل، الماتى، تۇركىستان، قاراعاندى، شىعىس قازاقستان، قوستاناي وبلىستارىندا قاتتى ىستىق كۇتىلەدى.
سونداي-اق ماڭعىستاۋ وبلىسىندا، قىزىلوردا وبلىسىنىڭ باسىم بولىگىندە، اتىراۋ، باتىس قازاقستان، اقتوبە، تۇركىستان وبلىستارىنىڭ كەي جەرلەرىندە جوعارى ءورت قاۋپى ساقتالادى.
