19:01, 05 - قىركۇيەك 2017 | GMT +6
اقمولالىق 11 جاسار وقۋشى الەم رەكوردىن ورناتتى
كوكشەتاۋ. قازاقپارات - استاناداعى ەكسپو-2017 حالىقارالىق كورمەسىندە 11 جاسار اقمولالىق ءامىر ماحمەت شولمەكتەردىڭ ۇستىندە 53 جاتتىعۋ جاساپ، جاڭا الەم رەكوردىن ورناتتى، دەپ حابارلايدى قازاقپارات ءتىلشىسى وڭىرلىك كوممۋنيكاتسيالار قىزمەتىنە سىلتەمە جاساپ.
كەۋدەنى جەردەن كوتەرۋ سپورتى بويىنشا قازاقستاننىڭ گيننەس رەكوردتار كىتابىنا بەس رەت ەنگەن، سونداي- اق دەنەنى ءبىرقالىپتا ۇستاۋ بويىنشا الەمدىك رەكوردشى اتاعىنىڭ يەگەرى ءامىردىڭ بۇل جولعى جەتىستىگىن قازاقستاننىڭ رەكوردتار كىتابىنىڭ وكىلى شىڭعىس قۇدايبەرگەنوۆ تىركەدى. ءامىر ءوزىنىڭ بۇل جولعى رەكوردىن ءبىلىم كۇنىنە ارنادى. ءوزى سياقتى بارلىق وقۋشىلاردى جاقسى وقۋعا جانە سالاۋاتتى ءومىر سالتىن ۇستانۋعا شاقىردى.
ايتا كەتەيىك، ءامىر اتى اڭىزعا اينالعان بالۋان قاجىمۇقان مۇڭايتپاسوۆتىڭ ەلى اقمولا وبلىسى، تسەلينوگراد اۋدانى، قاجىمۇقان اۋىلىندا تۇرادى.
اۆتور: اسلان وسپانوۆ