18:54, 23 - قاڭتار 2017 | GMT +5
يسپانيا جاعالاۋىن 11 مەترلىك اساۋ تولقىندار ۇرعىلادى
استانا. قازاقپارات - كاتالونيا جاعالاۋىن ۇرعىشتاعان تەنتەك تولقىندار مەتەورولوگتاردى داۋىل تۋرالى ەسكەرتۋ جاساۋعا ءماجبۇر ەتتى. ال ازاماتتىق قورعانىس قىزمەتى جاعاجايعا بارعان جۇرتتىڭ اسا ساق جانە مۇقيات بولۋلارىن ەسكەرتتى.

سەبەبى بارسەلوناعا جاقىن كەلىپ، جاعانى ۇرعىلاعان تولقىنداردىڭ بيىكتىگى قازىر 8 مەترگە جەتىپتى. سول ماڭايداعى بەگۋر ەلدى مەكەنىندە 11 مەترلىك تولقىندار بايقالدى. بۇل تابيعي قۇبىلىس سالدارىنان كوستا براۆا، كوستا- دەل- مارەسمە جانە كوستا دورادا جاعالاۋىندا كەلۋشىلەرگە ارنالعان وتىرعىشتار قيراپ، اعاشتار مايىسىپ قالدى. مالگرات- دە- مار (بارسەلونا) تەڭىز داۋىلىنان جاعاجاي تولىقتاي شايىلىپ كەتتى، دەپ حابارلايدى La Vanguardia.
www.24.kz