20:35, 04 - قاڭتار 2017 | GMT +5
قىتايدا بالاباقشادا جۇرگەن 11 ءبۇلدىرشىندى پىشاقتاپ كەتتى
استانا. قازاقپارات - قىتايدىڭ پيڭشياڭ قالاسىندا (ق ح ر- دىڭ گۋاڭشي-جۋاڭزۋ اۆتونومدىق ولكەسىندە) 4- قاڭتار كۇنى قايعىلى وقيعا ورىن الدى.
بەلگىسىز ەر ادام بالاباقشا اۋماعىنا كىرىپ كەلىپ، بۇلدىرشىندەرگە پىشاق الا ۇمتىلعان.
شابۋىل سالدارىنان 11 بالا زارداپ شەكتى. قاسكۇنەمدى پوليتسيا ۇستادى، دەپ حابارلايدى ت ا س س قىتاي ورتالىق تەلەارناسىنا سىلتەمە جاساپ. جاراقات العان بارلىق بالالار اۋرۋحاناعا جەتكىزىلدى، ومىرلەرىنە قاۋىپ ءتونىپ تۇرعان جوق. تەرگەۋ باستالدى.
