ءسىز ەلەمەيتىن ءسۇت بەزى قاتەرلى ىسىگىنىڭ 11 بەلگىسى

استانا. قازاقپارات - ءسۇت بەزى قاتەرلى ىسىگى - بەلگىلەرى سىرت كوزگە اسا بايقالا بەرمەيتىن ايەلدەردىڭ ومىرىنە قاۋىپ تۋعىزاتىن اۋرۋ.

ونىڭ قاۋىپتىلىگى دە بەلگىلەرىنىڭ اسا بايقالماۋىندا. بۇگىن ءبىز ءسىز ەلەي بەرمەيتىن الايدا ومىرىڭىزگە قاۋىپ تۋعىزاتىن اۋرۋ بەلگىلەرى جايىندا ءسوز ەتەمىز.

بۇل بەلگىلەر ناقتى سول اۋرۋعا شالدىققانىڭىزدى بىلدىرمەيدى. دەسە دە دارىگەرگە قارالىپ، تەكسەرىلگەنىڭىز دە ارتىق ەتپەيدى!

1. ءتوستىڭ تىعىزدالۋى جانە شامادان تىس سۇيىقتىقتىڭ ءبولىنۋى

ەگەر ءسىزدىڭ ەمشەگىڭىز ءجيى اۋىرىپ، سۇيىقتىقتىڭ بولىنگەنىن بايقاساڭىز (ەمشەك سۇتىنەن بولەك) بۇل قاتەرلى ىسىكتىڭ بەلگىسى بولۋى مۇمكىن.

2. تەرى قۇرىلىسىنىڭ وزگەرۋى

مامانداردىڭ پىكىرىنشە، قاتەرلى ىسىكتىڭ بۇل تۇرىنە دۋشار بولعان ايەلدەردىڭ تەرىسى اپەلسين قابىعىنا ۇقساس كەلەدى.

3. ۇنەمى اۋىرلىقتى سەزىنۋ

كەۋدە تۇسىڭىز اۋىرىپ، ەشقانداي ءدارى- دارمەك كومەكتەسپەسە وعان ءجىتى ءمان بەرگەنىڭىز ءجون.

4. جوتەلۋ مەن قارلىعۋ

ءسۇت بەزى قاتەرلى ىسىگىنىڭ ءبىر بەلگىسى - سەبەپسىزدەن سەبەپسىز جوتەلۋ. بۇل جاعدايدا ونىڭ سۋىق تيۋگە نە تۇماۋعا قاتىسى جوق.

5. قۋىق قالبىرشاعىنداعى نەمەسە ىشەكتەگى وزگەرىستەر

دارەتكە ۋاقىتىلى بارمايسىز با؟ ءىشىڭىز قاتىپ نەمەسە ءجيى ءىشىڭىز وتە مە؟ ەندەشە سىزگە ءسۇت بەزى قاتەرلى ىسىگىنە تەكسەرىلۋ قاجەت.

6. السىزدىك

ءسۇت بەزى قاتەرلى ىسىگىنە شالدىققان ايەلدەر تەز شارشاپ شالدىعادى، ءالسىز سەزىنەدى. بۇل ورايدا ولاردىڭ تاۋلىگىنە نەشە ساعات ۇيىقتايتىندارى ماڭىزدى ەمەس.

7. سالماق تۇراقسىزدىعى

سوڭعى ۋاقىتتارى سەبەپسىزدەن سەبەپسىز سالماق قوسىپ نەمەسە تاستاعان بولساڭىز، دارىگەرگە قارالعانىڭىز ابزال.

8. قولتىقتىڭ استىنداعى ىسىك

قولتىعىڭىزدىڭ استىندا تۇسىنىكسىز جارا نەمەسە ىسىك پايدا بولسا، تەكسىلگەن ءجون. سەبەبى كەۋدە مەن قولتىق ءوزارا بايلانىستى. قاتەرلى ىسىك ءدال سول جەردەن باستاۋ الۋى مۇمكىن.

9. ەكى ءتۇرلى ومىراۋ

ءوز ومىراۋىڭىزعا ءجىتى نازار سالىڭىز. ەكەۋى ەكى ءتۇرلى مە؟ مۇنىڭ سەبەبىن انىقتاعانىڭىز ابزال.

10. ۇنەمى كەۋدە تۇسىنىڭ قىشىنۋى

كەۋدەنىڭ قىشىنۋىنا بىرنەشە نارسە سەبەپ بولۋى مۇمكىن:

كىر جۋعىش ۇنتاققا اللەرگيا؛

ءسۇت بەزدەرىنىڭ ءوسۋى؛

ليمفانىڭ ناشار اينالۋى نەمەسە سۇيىقتىقتىڭ ىركىلۋى.

11. ارقانىڭ جوعارعى جاعىنىڭ اۋرۋى

سەبەپسىزدەن سەبەپسىز ۇنەمى ارقاڭىز اۋىراتىن بولسا، بۇعان كوڭىل بولگەنىڭىز دۇرىس. سەبەبى دەنەڭىزدىڭ اۋرۋى ىسىكتىڭ كولەمىن ۇلعايتۋى مۇمكىن. ودان بولەك، اۋرۋ اسقىنعان جاعدايدا سۇيەكتەرىڭىزگە زاقىم كەلۋى عاجاپ ەمەس.